អឺរ៉ុប៖ តាមសេចក្តីរាយការណ៍បានឲ្យដឹងថា Atletico Madrid មានឆន្ទៈក្នងការអនុញ្ញាតឱ្យខ្សែបម្រើ Saul Niguez ចាកចេញពីក្លឹបនៅរដូវក្តៅនេះ ចំពេលមានការចាប់អារម្មណ៍ពីក្រុម Liverpool, Manchester United និង Juventus ។ បច្ចុប្បន្នកីឡាករវ័យ ២៦ ឆ្នាំរូបនេះកំពុងស្វែងរកការប្រកួតប្រជែងថ្មីមួយនៅឆ្ងាយពីរដ្ឋធានីអេស្ប៉ាញ បើទោះបីជា Colchoneros បានឈ្នះពានរង្វាន់ La Liga កាលពីរដូវកាលមុនក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSaul មិនសប្បាយចិត្តទេដែលត្រូវបានជំនួសច្រើនដងពេញមួយយុទ្ធនាការ ហើយឥឡូវនេះគាត់មានអារម្មណ៍ថាគាត់មិនត្រូវបានគេចាត់ទុកជាកីឡាករសំខាន់ម្នាក់ដោយលោក Diego Simeone ទេ ។ យោងតាមសារព័ត៌មាន Marca បានអោយដឹងថា Liverpool, United និង Juve សុទ្ធសឹងតែតាមដានស្ថានភាពរបស់ខ្សែបម្រើរូបនេះ ហើយបច្ចុប្បន្នមានតម្លៃខ្លួនប្រហែល ៤៧ លានផោន ។
ក្លិបយក្សអេស្បាញដំបូងមានការស្ទាក់ស្ទើរក្នុងការលក់ Saul ដោយសារតែតម្លៃតិចជាងពេលទិញគាត់ ប៉ុន្តែដោយសារបរិយាកាសហិរញ្ញវត្ថុបច្ចុប្បន្ន ពួកគេត្រូវបានគេកំណត់ឱ្យបន្ទាបតម្លៃរបស់កីឡាករ ។ ម្ចាស់ជើងឯកក្របខ័ណ្ឌ Bundesliga Bayern Munich ក៏ត្រូវបានគេជឿជាក់ថាកំពុងស្ថិតក្នុងការប្រជែងគ្នាដើម្បីចុះហត្ថលេខាជាមួយ Saul ដែលបានបង្ហាញខ្លួនចំនួន ៣៣៧ លើកសម្រាប់ក្រុម Atletico ចាប់តាំងពីបានបង្ហាញខ្លួនជាកីឡាករវ័យ ១៧ ឆ្នាំកាលពីឆ្នាំ ២០១២៕