អឺរ៉ុប៖ Eden Hazard បានសម្តែងការរំភើប បន្ទាប់ពីការតែងតាំងគ្រូបង្វឹកថ្មីរបស់ Real Madrid លោក Carlo Ancelotti ដោយទទូចថា “វាជាដំណឹងល្អសម្រាប់ខ្ញុំ” ។ លោក Ancelotti បានចាកចេញពីក្លិប Everton ដើម្បីវិលត្រឡប់ទៅកាន់ Real វិញដើម្បីទទួលបានការទទួលខុសត្រូវជាលើកទី ២ កាលពីថ្ងៃអង្គារ ដោយបានបន្តកិច្ចសន្យារយៈពេល ៣ ឆ្នាំនៅ Santiago Bernabeu ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សHazard កំពុងទន្ទឹងរងចាំធ្វើការជាមួយជនជាតិអុីតាលីដែលជំនួសតំណែងលោក Zinedine Zidane ហើយមានអារម្មណ៍ថាក្លិប Blancos អាចឈានដល់កម្រិតថ្មីក្រោមការដឹកនាំរបស់គាត់ ។
ខ្សែបម្រើស្លាបជនជាតិបែលហ្ស៊ិករូបនេះបានប្រាប់ RBTF ពីការកោតសរសើររបស់គាត់ចំពោះលោក Ancelotti ថា៖ អ្នករាល់គ្នានៅឯ Real Madrid ដឹងពីអ្វីដែលលោក Ancelotti បាននាំមកក្លិប ។ គាត់បានឈ្នះជើងឯក Champions League ជាមួយក្រុមនេះ ហើយគាត់ស្គាល់កីឡាករជាច្រើន ។ យើងដឹងថា គាត់គឺជាគ្រូបង្វឹកដែលមានបទពិសោធច្រើន។ គាត់ស្គាល់ទីក្រុងនិងអ្នកគាំទ្រ ។ ខ្ញុំគិតថាយើងអាចធ្វើអ្វីៗបានល្អជាមួយគ្នា ។
«ខ្ញុំមិនស្គាល់គាត់ទេ ប៉ុន្តែមកពីអ្វីដែលខ្ញុំបានឭពីគាត់ គាត់គឺជាមនុស្សល្អណាស់ដែលគ្រាន់តែចង់ឈ្នះ ហើយនោះជាអ្វីដែលយើងទាំងអស់គ្នាចង់បាន។ យើងនឹងមានឱកាសធ្វើការរួមគ្នា។ វាជាដំណឹងល្អសម្រាប់ខ្ញុំ»៕