ចិនបញ្ឆេះព្រះអាទិត្យសិប្បនិម្មិត ក្នុងរយៈពេល១០០វិនាទី បំបែកកំណត់ត្រាពិភពលោក

ចិន៖ ប្រទេសចិននិយាយថា ខ្លួនទទួលបានកំណត់ត្រាពិភពលោកថ្មីបន្ទាប់ពីអ្នកវិទ្យាសាស្ត្របានបញ្ឆេះព្រះអាទិត្យសិប្បនិម្មិត នៅសីតុណ្ហភាពខ្ពស់បំផុតក្នុងរយៈពេលជាង100វិនាទី។

ព្រះអាទិត្យសិប្បនិម្មិតដែលហៅថា The Experimental Advanced Superconducting Tokamak  (EAST) បានបង្កើតសីតុណ្ហភាពប្លាស្មាដល់ទៅ120លានអង្សាសេក្នុងរយៈពេល100វិនាទី មុនពេលឡើងដល់160លានអង្សានៅរយៈពេល20វិនាទីទៀត។

ព្រះអាទិត្យសិប្បនិម្មិតដែលមានមូលដ្ឋាននៅវិទ្យាស្ថាន Hefei Institutes of Physical Science នៃបណ្ឌិត្យសភាវិទ្យាសាស្ត្រចិន បានបំបែកឯតទគ្គកម្មកាលពីលើកមុន ដោយលើកមុនវាបានឡើងដល់សីតុណ្ហភាពផ្លាស្មា 100លានអង្សាសេក្នុងរយៈពេល100វិនាទី។

EAST គឺជាព្រះអាទិត្យសិប្បនិម្មិតមួយក្នុងចំណោមឧបករណ៍ព្រះអាទិត្យសិប្បនិម្មិតដទៃទៀត ដែលកំពុងផលិតនៅក្នុងបណ្តាប្រទេសនានាជាច្រើនទៀត ដែលកំពុងប្រជែងគ្នាបង្កើតវាឡើង៕