បរទេស៖ បើអ្នកគិតថាការចុច like ឬ post អ្វីមួយ បញ្ចេញសំឡេងរំខាន អ្នកនឹងរកវិធីដើម្បីបិទពួកវា។ អ្នកអាចចំណាយពេលមិនដល់១នាទីផង ដើម្បីទៅដល់ទីតាំងនៃការកំណត់សំឡេងបើកឬបិទ សម្រាប់ទាំងប្រព័ន្ធប្រតិបត្តិការ Android និង iOS។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះប្រព័ន្ធប្រតិបត្តិការ Android អ្នកត្រូវតែប្រើប្រាស់ Mobile Data ហើយត្រូវបិទ Wifi មុននឹងអនុវត្តវិធីដូចខាងក្រោម។ បើអ្នកប្រើប្រាស់ Wifi គួរតែបិទវា និងបិទកម្មវិធី Facebook ចេញឲ្យអស់ រួចសឹមបើក Mobile Data ជំនួសវិញ ហើយបើកកម្មវិធី Facebook មកវិញ។
ជំហានដំបូងត្រូវចុចសញ្ញាបន្ទាត់ត្រេបី នៅផ្នែកខាងស្ដាំខាងលើ រួចចុច Settings & Privacy ហើយជ្រើសរើស Cellular Data Usage។
អ្នកនឹងចូលទៅដល់ផ្ទាំងថ្មី រួចចុចបិទ Sounds in the app ឬ Videos Start with Sound។
ប៉ុន្តែបើសិនជាចុច Settings & Privacy ហើយ មិនឃើញ Cellular Data Usage ទេ អ្នកត្រូវចូលវិធីមួយទៀត។ ដំបូងត្រូវចុចចូល មុខងារ Watch ហើយជ្រើសរើសរូបមនុស្ស។
បន្ទាប់មកត្រូវជ្រើសរើស Mobile data use
ចុងក្រោយត្រូវចុចបិទ Sounds in the app ឬ Videos start with sound។
ចំពោះ iPhone និង iPad វិញ ដំបូងចុចសញ្ញាបន្ទាត់ត្រេបីនៅផ្នែកខាងស្ដាំខាងក្រោម រួចជ្រើសរើស Settings & Privacy ហើយរើស Settings។
ពេលចូលទៅដល់ផ្ទាំងថ្មី ត្រូវអូសចុះមកក្រោម ហើយជ្រើសរើស Sounds
និងចុងក្រោយត្រូវចុចបិទ In-App Sound ឬ Videos in News Feed Start with Sound។
គួរបញ្ជាក់ថា នេះជាកំណែ Update ក្នុងពេលបច្ចុប្បន្នសម្រាប់ការបិទសំឡេងនៅលើកម្មវិធី Facebook ក្នុងទូរសព្ទ ប៉ុន្តែវិធីទាំងនេះអាចនឹងប្ដូរកន្លែងឬកែប្រែថ្មី នៅពេលមានការ Update លើកក្រោយៗទៀត៕