បុរសដែលរៀបការជាមួយតុក្កតា ប្រាប់ថានឹងព្រមស្រលាញ់មនុស្សពិតប្រាកដ លុះត្រាតែអ្នកនោះ ធ្វើតាមលក្ខខណ្ឌមួយនេះ

កាហ្សាក់ស្ថាន៖ ប្រិយមិត្តអ្នកអានមួយចំនួន ប្រាកដជាបានជ្រាបខ្លះហើយ ជុំវិញរឿងរ៉ាវទាក់ទងទៅនឹងបុរសម្នាក់ឈ្មោះថា Yuri Tolochko បានរៀបការជាមួយតុក្កតាជាទីស្រលាញ់របស់គាត់កាលពីចុងឆ្នាំ២០២០កន្លងទៅនេះ។

ក្រោយពីរៀបការមិនទាន់បានប៉ុន្មានខែផង ក៏ស្រាប់តែតុក្កតាមានការខូចខាត និងត្រូវបានបញ្ជូនទៅជួសជុលនៅតំបន់ផ្សេង។ ហើយអំឡុងពេលជួសជុល លោក Yuri បានលួចមានទំនាក់ទំនងស្នេហាជាមួយតុក្កតាផ្សេងទៀត និងសម្រេចលែងលះជាមួយតុក្កតាចាស់តែម្ដង។

បច្ចុប្បន្ននេះ លោក Yuri កំពុងរស់នៅយ៉ាងមានក្ដីសុខជាមួយតុក្កតាចំនួនពីរ ហើយនៅក្នុងបទសម្ភាស៍អនឡាញជាមួយស្ថានីយវិទ្យុ The Dating Show គាត់ត្រូវបានគេសួរថា នៅថ្ងៃអនាគតតើគាត់នឹងអាចមានទំនាក់ទំនងស្នេហាជាមួយមនុស្សពិតប្រាកដដែរឬយ៉ាងណា។

ទន្ទឹមនឹងនោះ លោក Yuri បានឆ្លើយតបទៅវិញថា កាលពីមុន រូបគាត់ផ្ទាល់ធ្លាប់មានទំនាក់ទំនងស្នេហាជាមួយមនុស្សអស់​រយៈពេល៧ឆ្នាំ ហើយចំពោះថ្ងៃអនាគត គាត់នឹងព្រមបើកចិត្តស្រលាញ់មនុស្សម្ដងទៀត លុះត្រាតែអ្នកនោះ ព្រមទទួលយកតុក្កតារបស់គាត់ដែរ។

យ៉ាងណាមិញ លោក Yuri បានបន្ថែមទៀតថា លោកកំពុងមានគម្រោងទិញតុក្កតាមនុស្សប្រុសមួយ និងចង់រៀបការជាមួយជាមួយតុក្កតាដទៃទៀតក្នុងពេលមួយផងដែរ៕

សូមទស្សនារូបភាពខាងក្រោម៖

ប្រភព: ladbible.com