រាជធានីភ្នំពេញ៖ យោងតាមការបង្ហោះនៅបណ្តាញសង្គមហ្វេសប៊ុក របស់ ឯកឧត្តម សួន សេរីរដ្ឋា រដ្ឋលេខាក្រសួង អភិវឌ្ឍន៍ជនបទ នៅថ្ងៃទី០១ ខែឧសភា ឆ្នាំ២០២១នេះ បានឱ្យដឹងថា ឯកឧត្តម ត្រាំ អ៊ីវតឹក ដែលជាអតីតរដ្ឋមន្ត្រីសាធារណការ និងដឹកជញ្ជូន បានទទួលមរណភាពហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ឯកឧត្តម សួន សេរីរដ្ឋា បានសរសេរបង្ហោះសារដែលមានខ្លឹមសារ ដូច្នេះថា៖
ខ្ញុំបាទ អនុប្រធានក្រុមការងារថ្នាក់ជាតិ ចុះជួយស្រុកកំពង់លែង ខេត្តកំពង់ឆ្នាំង និងភរិយា ព្រមទាំងសហការីទាំងអស់ សូមគោរពចូលរួមរំលែកមរណៈទុក្ខ ដ៏ក្រៀមក្រំបំផុតនេះជាមួយក្រុមគ្រួសារ ឯកឧត្តម ទេសរដ្ឋមន្ត្រី ត្រាំ អុីវតឹក ប្រធានក្រុមការងារ និងសូមឧទ្ទិសបួងសួងអោយដួងវិញ្ញាណក្ខន្ធ របស់ឯកឧត្តមប្រធាន បានទៅសោយសុខនៅស្ថានសុគតិភពកុំបីឃ្លៀងឃ្លាតឡើយ... ។
ឯកឧត្តម សួន សេរីរដ្ឋា បានបន្ថែមទៀតថា៖
ការបាត់បង ឯកឧត្តម ទេសរដ្ឋមន្ត្រីប្រធានក្រុមការងារនាពេលនេះ គឺជាការបាត់បង់នូវធនធានមនុស្សដ៏សំខាន់របស់ជាតិ ។ ឯកឧត្តម ជាចាស់ទុំដែលមាចរឹតដឹកនាំស្លូតបូត ម៉ឺងម៉ាត់ និងសំដីសំដៅមួយៗច្បាស់ៗ ព្រមទាំងសាមញ្ញគួរជាទីគោរព និងយកគំរូរៀនសូត្រតាម ។
គួររំលឹកផងដែរថា ចាប់ពីឆ្នាំ២០០៨ ដល់២០១៦ ឯកឧត្តមត្រាំ អ៉ីវតឹក បានកាន់តំណែងរដ្ឋមន្រ្តីក្រសួងសាធារណការនិងដឹកជញ្ជូន។ បន្ទាប់ពីរដ្ឋាភិបាល សម្រេចរុះរើគណៈរដ្ឋមន្រ្តីនៅឆ្នាំ២០១៦ ឯកឧត្តមបានមកកាន់តំណែងជារដ្ឋមន្រ្តីក្រសួងប្រៃសនីយ៍និងទូរគមនាគមន៍ពីឆ្នាំ ២០១៦ ដល់ឆ្នាំ២០២០។ ហើយក្រោយមកទៀត នៅខែមីនា ឆ្នាំ២០២០ ឯកឧត្តម ត្រាំ អ៊ីវតឹក កាន់តំណែងជា ទេសរដ្ឋមន្រ្តីទទួលបន្ទុកបេសសកម្មពិសេស៕
Bong I.T