ហេតុតែសេដ្ឋីលុយចាយលែងអស់! Kylie Jenner ជះលុយលើសម្លៀកបំពាក់មួយឈុតជិត២ម៉ឺនដុល្លារ

បរទេស៖ នៅក្នុងពិធីជប់លៀងរបស់ Kendall Jenner នាងKylie Jenner បានទាក់ភ្នែកអ្នកទស្សនាអស់ជាច្រើន នៅពេលដែលនាងបង្ហាញខ្លួននៅក្នុងសម្លៀកបំពាក់ដ៏ស៊ិចស៊ី។ នាងស្លៀកការរចនាកាត់ដិតជាមួយនឹងសម្រស់ពណ៌ខ្មៅយ៉ាងទាក់ទាញ។ យោងតាម Page Six បានឲ្យដឹងថា ឈុតដ៏ស៊ិចស៊ី ជាមួយការកាត់ខ្សែរដើមទ្រូងជ្រៅ និងខ្សែក្រវ៉ាត់និងខ្សែដៃដែករបស់Kylie Jenner មានតម្លៃជាង ១៨០០០ ដុល្លារ ត្រូវបានដាក់លក់នៅលើគេហទំព័រ 1stdibs ។

ផលិតផលនេះ គឺជាផ្នែកមួយនៃការប្រមូលម៉ូតសំលៀកបំពាក់ឆ្នាំ ១៩៩២ របស់ Versace ដែលរចនាឡើងដោយអ្នកដឹកនាំច្នៃប្រឌិត Gianni Versace ។ អមជាមួយសម្លៀកបំពាក់គឺកាបូបដៃធ្វើពីស្បែកដែលមានពត៌មានលំអិតមានរាងជាអក្សរ V ពណ៌មាសនិងស្បែកជើងមួយគូដែលមានតំលៃ ២.៣៧៥ ដុល្លារ។

យ៉ាងណាមិញ Kylie Jenner ត្រូវបាន អនកនិយមលេងអ៊ីនធឺណេតសរសើរការស្លៀកពាក់របស់នាង  ។ ដោយអ្នកប្រើបណ្តាញសង្គមម្នាក់បាននិយាយថា Kylie Jenner សាមសមនឹង Versace ណាស់នាងដឹងពីរបៀបជ្រើសរើសសំលៀកបំពាក់ដែលបង្ហាញរាងរបស់នាងសមល្មមមិនគួរអោយស្អប់ ខ្ពើម ឬទទួលរងការប្រមាថ។

គួរបញ្ជាក់ផងដែរថា Kylie Jenner និង Kim Kardashian ចូលចិត្តនិន្នាការម៉ូដនាទសវត្សឆ្នាំ ១៩៩០ ។ អ្នកទាំងពីរគឺជាអ្នកគាំទ្រដ៏ស្មោះត្រង់នៃការរចនាម៉ូដ Versace នៅលើដើរបង្ហាញម៉ូតតាំងពី ២០ ឆ្នាំមុន។ ជារឿយៗពួកគេទិញរបស់ទាំងនេះក្នុងតម្លៃខ្ពស់ហើយកែសំរួលវាអោយសមនឹងរាងរបស់ពួកគេ៕

សូមទស្សនារូបភាពខាងក្រោម៖

ប្រភព៖ zingnews