Xiaomi បង្ហាញទូរសព្ទដែលសាកថ្មពេញបាន ១០០% ក្នុងរយៈពេលតែ៨នាទី (មានវីដេអូ)

បរទេស៖ បច្ចេកវិទ្យាសាកថ្មលឿនថ្មីរបស់ក្រុមហ៊ុន Xiaomi អាចសាកថ្មស្មាតហ្វូនពី0ទៅ100ភាគរយ ដោយប្រើរយៈពេលតិចជាង8នាទី។

បច្ចេកវិទ្យាសាកថ្មកម្លាំង 200W នេះ បានដាក់សាកទូរសព្ទ Xiaomi MI 11 Pro (custom build) ដែលមានថាមពលថ្ម 4,000mAh ហើយវាបានធ្វើឱ្យថ្មឡើងពី0ទៅ10%បាន តែក្នុងរយៈពេលត្រឹមតែ44វិនាទីប៉ុណ្ណោះ។ ថ្មទូរសព្ទឡើងដល់50%ក្នុងរយៈពេល3នាទី ហើយវាសាកពេញក្នុងរយៈពេល7នាទីចុច57វិនាទី។

នៅក្នុងវីដេអូខាងក្រោម ក្រុមហ៊ុន Xiaomi ក៏បានបង្ហាញនូវបច្ចេកវិទ្យាសាកថ្មឥតខ្សែ 120W របស់ខ្លួន ដែលសាកស្មាតហ្វូនដែលមានថាមពល 4,000mAh ពីថ្ម0ទៅ100ភាគរយក្នុងរយៈពេល15នាទីផងដែរ។

មិនទាន់មានព័ត៌មានណាមួយបញ្ជាក់ច្បាស់ថា តើបច្ចេកវិទ្យាថ្មីនេះនឹងចេញនៅពេលណានោះទេ៕