ភ្នំពេញ៖ កាលពីថ្មីៗនេះ ក្រោយមរណភាពរបស់ លោក គ្រូ ស៊ុំ សារឿន ដែលជាតារាចម្រៀង និងអ្នកនិពន្ធជើងចាស់មួយរូប ឃើញថាមានសិល្បករសិល្បការិនីជាច្រើនបានចូលរួមរំលែកទុក្ខ ដល់លោកគ្រូដែលជាធនធានសិល្បៈដ៏សំខាន់មួយរូបផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក តារាចម្រៀង ខាត់ សុឃីម ក៏បានជួយរំលែក និងជូនដំណើរដល់ សិល្បករជើងចាស់រូបនេះផងដែរ ដោយខ្លឹមសារមានអត្ថន័យដូចខាងក្រោម៖
ខ្ញុំពិតជាមានការតក់ស្លុត រន្ធត់ចិត្ត និងសោកស្តាយខ្លាំងណាស់ មិនចង់ជឿទេនៅពេលដឹងដំណឹងដ៏សោកសង្រេង ចំពោះការបាត់បង់ លោក គ្រូ ស៊ុំ សារឿន ដែលជាធនធានសិល្បៈដ៏មានទេពកោសល្យទាំងការច្រៀងនិងនិពន្ធ។
លោកគ្រូ បានទទួលមរណភាព ឃ្លាតចាកចោលយេីងទាំងអស់គ្នាហេីយនៅវេលាម៉ោង ១១:២០នាទីថ្ងៃត្រង់ ថ្ងៃ៣១ ខែឧសភា ឆ្នាំ២០២១នេះ ក្នុងជន្មាយុ ៦៩ឆ្នាំ ដោយរោគាពាធ។ ខ្ញុំសូមចូលរួមរំលែកនូវមរណទុក្ខដ៏ក្រៀមក្រំបំផុតនេះ ជាមួយក្រុមគ្រួសារលោកគ្រូ និងសូមបួងសួងដល់ដួងវិញ្ញណក្ខន្ធលោកគ្រូ បានទៅកាន់ទីឋានស្ងប់សុខ សុគតិភពកុំបីឃ្លៀងឃ្លាតឡេីយ។
យ៉ាងណាមិញ មហាជនក៏បានចូលរួមរំលែកទុក្ខនូវការបាត់បងសិល្បៈករដ៏មានឥទ្ធិពលមួយរូបនេះ នៅប្រទេសកម្ពុជាផងដែរ៕
សូមចូលទស្សនារូបភាពខាងក្រោម៖
Bong I.T