អាជ្ញាធរខេត្តព្រះសីហនុ ផ្អាកបណ្តោះអាសន្នទីតាំងពីរកន្លែង ក្រោយរកឃើញ អ្នកវិជ្ជមានកូវីដ១៩

ខេត្តព្រះសីហនុ៖ នៅថ្ងៃទី២៩ ខែឧសភា ឆ្នាំ២០២១នេះ រដ្ឋបាលខេត្តព្រះសីហនុ បានចេញសេចក្តីសម្រេចស្តីពីការផ្អាកបណ្តោះអាសន្នទីតាំងពីរកន្លែង និង ស្ថិតនៅទីតាំងភូមិសាស្ត្រខេត្តព្រះសីហនុ និង​បានយកទីតាំងនោះ ធ្វើជាទីតាំងចត្តាឡីស័ក។

ដោយឡែក ទីតាំងទាំងពីរដែលត្រូវ សម្រេចផ្អាកដំណើរការបណ្តោះអាសន្នដោយ រដ្ឋបាលខេត្តព្រះសីហនុ រួមមាន៖

១. អគារស្នាក់នៅរួម ស៊ីនហ័ងឡឹក មានអាសយដ្ឋាននៅភូមិ ៣ សង្កាត់លេខ១ ក្រុងព្រះសីហនុ ហើយត្រូវបានយកជាទីកន្លែងចត្តាឡីស័ក

២. សំណង់អគារសណ្ឋាគារយឹងយៀក ដែលកំពុងស្ថិតនៅក្នុងការសាងសង់ មានអាសយដ្ឋានស្ថិតនៅផ្លូវ ២ធ្នូ ភូមិ៤ សង្កាត់លេខ៤ ក្រុងព្រះសីហនុ និង ត្រូវបានយកជាទីកន្លែងចត្តាឡីស័ក។

ជាមួយគ្នានោះដែរ ការធ្វើការផ្អាកបណ្តោះអាសន្ននូវទីតាំងទាំងនេះ ធ្វើឡើងដោយអនុវត្តទៅតាមអនុក្រឹត្យលេខ៣៧ អនក្រ.បក ចុះថ្ងៃទី១២ និង៣១ ខែមីនា ឆ្នាំ២០២១ ស្តីពីវិធានការសុខាភិបាល ដើម្បីចូលរួមទប់ស្កាត់ការឆ្លងរីករាលដាលនៃជំងឺកូវីដ១៩ នៅក្នុងសហគមន៍៕