ក្រោយយកឈ្នះកូវីដ១៩ ណុប បាយា៉រិទ្ធ បញ្ចេញអារម្មណ៍ពិតថា...

ប្រើពេល៤យប់៥ថ្ងៃដើម្បីស្ថិតក្នុងការរស់នៅក្នុងពិភពពណ៌បៃតងដ៏ស្ងប់ស្ងាត់ យប់ឡើងឮតែសម្លេងចង្រឹតយំ កូនក្អាត់ កូនកង្កែប ព្រឹកឡើងឮតែសម្លេងចាបយំ មានអារម្មណ៍ថាហាក់ដូចជាកំពុងស្ថិតនៅក្នុងពិភពមួយទៀត
ឆ្លងកាត់រឿងរ៉ាវដ៏គួរអោយភ័យខ្លាចមួយគឺការបានជាសះស្បើយ១០០%ពីជម្ងឺកូវីដ-១៩ ខ្ញុំកាន់តែរឹងមាំ ហើយមានអារម្មណ៍ថាខ្លួនឯងទទួលបានបទពិសោធន៍ជីវិតមួយដែលរាប់ទុកថាជាសំណាងផងដែរ ដែលអាចមានជីវិតអាចបើកភ្នែកមើលឃើញពិភពលោកមួយនេះបន្តរទៀតបាន ពិសេសគឺអាចយកឈ្នះសេចក្តីស្លាប់បាន ។ នៅតែញញឹមសម្រាប់ជីវិតខ្លួនឯង នៅតែញញឹមបន្តរដរាបជីវិត្តរបស់ខ្ញុំនៅមានគ្រួសារ មនុស្សជាទីស្រលាញ់ និង មនុស្សល្អៗជាច្រើននាក់នៅជុំវិញខ្លួនខ្ញុំចាំផ្តល់កំលាំងចិត្តដល់ខ្ញុំជានិច្ច នោះហើយដែលខ្ញុំនៅតែមានកំលាំងក្នុងការញញឹមតបទៅពួកគាត់វិញ វាជាថាមពលនៃជីវិត ថាមពលនៃក្តីស្រលាញ់ ជាស្នាមញញឹមពិតប្រាកដ្តដែលខ្ញុំមិនបានហត់នឿយនិងចំណាយកំលាំង ចំណាយពេលទៅស្វែករកវា ហើយក៏បានបញ្ជាក់ថា ធាតុពិតខ្ញុំមិនឯការទេ
អរគុណមនុស្សជាទីស្រលាញ់ទាំងអស់របស់ខ្ញុំ