បរទេស៖ ក្រុមហ៊ុន Rolls-Royce Motor Cars កាលពីថ្ងៃព្រហស្បតិ៍ បានបង្ហាញនូវម៉ូឌែលរថយន្តប្រណីតឈ្មោះថា the Boat Tail។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBoat Tail ជារថយន្តមានកៅអីបួន តួវាមានប្រវែងជិត5.8ម៉ែត្រ ដោយផ្នែកខាងក្រោយរបស់រថយន្តនេះ មានរាងដូចជា deck នៅលើទូក។ ហើយមានតែបីគ្រឿងប៉ុណ្ណោះដែលត្រូវបានផលិត ឯតម្លៃរបស់វាគឺមិនត្រូវបានផ្សព្វផ្សាយជាសាធារណៈទេ។
ម៉ូឌែលថ្មីនេះបានកើតឡើង ដោយសារក្រុមហ៊ុន Rolls-Royce បានបើកផ្នែកថ្មីមួយនៅក្នុងអាជីវកម្មរបស់ខ្លួន គឺឈ្មោះថា Coachbuild ដែលជាកម្មវិធី invitation-only ដែលអនុញ្ញាតឱ្យអតិថិជនលំដាប់ខ្ពស់បំផុតរបស់ក្រុមហ៊ុនកម្មង់ធ្វើរថយន្តប្លែកៗតាមចិត្តរបស់ពួកគេបាន។
រថយន្ត Boat Tail នីមួយៗមានលក្ខណៈពិសេសផ្សេងពីគ្នា ពោលគឺស្របតាមម្ចាស់របស់វាដែលបានសហការជាមួយអ្នករចនាអស់រយៈពេលបួនឆ្នាំ ក្រោមកម្មវិធី Coachbuild។
គ្រឿងបន្លាស់ថ្មីជាង1,800 ត្រូវបានបង្កើតឡើងសម្រាប់រថយន្ត Boat Tail ដោយវាមានលក្ខណៈប្រណីតដូចជា ទូទឹកកកសម្រាប់ស្រាសំប៉ាញ និងនាឡិកាដែលអាចពាក់បានផង ព្រមទាំងដាក់ទៅក្នុងឡានមើលម៉ោងផងដែរ៕