ណាមមីបៀ៖ ប្រធានាធិបតីនៃប្រទេសណាមមីបៀលោក Hage Geingob និងលោកស្រី Monica បានធ្វើតេស្តិ៍វិជ្ជមានសម្រាប់ជំងឺកូវីដ-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកប្រធានាធិបតីបានប្រកាសនៅក្នុងសេចក្តីថ្លែងការណ៍មួយថា “ប្រធានាធិបតីសូមជម្រាបជូនជាតិថាលោកប្រធានាធិបតី Hage G. Geingob និងលោកជំទាវទី ១ Madame Monica បានធ្វើតេស្តិ៍វិជ្ជមានសម្រាប់ជំងឺកូវីដ-១៩ កាលពីល្ងាចថ្ងៃទី ២៦ ខែឧសភាឆ្នាំ ២០២១” ។
សេចក្តីថ្លែងការណ៍បានបន្ថែមថា “លោកប្រធានាធិបតីនិងលោកជំទាវទី ១ គឺមានស្មារតីល្អនិងស្នាក់នៅដាច់ដោយឡែកនៅកន្លែងស្នាក់នៅរបស់ពួកគេ” ។
លោកប្រធានាធិបតី Geingob ដែលមានអាយុ ៧៩ ឆ្នាំគឺជាប្រធានាធិបតីទី ៣ របស់ប្រទេសនេះ ហើយកំពុងកាន់តំណែងប្រធានាធិបតីជាលើកទី ២ និងលើកចុងក្រោយសម្រាប់លោកផងដែរ។
លោក Geingob គឺជានាយករដ្ឋមន្រ្តីដំបូងនៃប្រទេសណាមមីបៀពីខែមីនាឆ្នាំ ១៩៩០ ដល់ខែសីហាឆ្នាំ ២០០២ និងបានធ្វើជានាយករដ្ឋមន្រ្តីម្តងទៀតចាប់ពីខែធ្នូឆ្នាំ ២០១២ ដល់ខែមីនាឆ្នាំ ២០១៥ ។
គិតត្រឹមថ្ងៃទី ២៧ ខែឧសភានេះ ប្រទេសណាមមីបៀបានកត់ត្រាករណីឆ្លងជំងឺកូវីដ-១៩ ចំនួន ៥៣,៦០៣ នាក់។ ប្រទេសនេះមានប្រជាជនសរុប ២,៥ លាននាក់៕
ប្រភព៖ Nation Africa