អឺរ៉ុប៖ លោក Marcus Rashford និយាយថា គាត់ត្រូវបានគេរើសអើងជាតិសាសន៍នៅលើគណនីបណ្តាញសង្គមរបស់គាត់ បន្ទាប់ពីការបរាជ័យរបស់ក្រុម Manchester United ក្នុងវគ្គផ្តាច់ព្រ័ត្រ Europa League នៅ Gdansk។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ ២៣ ឆ្នាំរូបនេះបាននិយាយថា គាត់បានទទួលនូវពាក្យជេរប្រមាថយ៉ាងតិចចំនួន ៧០ ដោយសារការស៊ុតបាល់ប៉េណាល់ទីរបស់ក្រុមបិសាចក្រហមទៅលើក្រុម Villarreal កាលពីយប់ថ្ងៃពុធ។ Rashford បាននិយាយថា គាត់បានទទួលការរំលោភបំពានជាតិសាសន៍នៅពេលគាត់បើកទូរស័ព្ទដោយបង្ហាញថាការនិយាយបែបនោះបានកើតឡើងដោយផ្ទាល់ពីមនុស្សម្នាក់ដែលជាគ្រូបង្រៀនគណិតវិទ្យា។
Rashford បានសរសេរនៅលើបណ្តាញសង្គម Twitter ថា៖ “យ៉ាងហោចណាស់មានពាក្យជេរប្រមាថជាតិសាសន៍ចំនួន ៧០ នៅក្នុងគណនីសង្គមរបស់ខ្ញុំ។ សម្រាប់អ្នកដែលកំពុងខំប្រឹងធ្វើឱ្យខ្ញុំមានអារម្មណ៍កាន់តែពិបាក សូមព្យាយាមបន្តទៀតចុះ ។ អ្វីដែលធ្វើឱ្យខ្ញុំមានអារម្មណ៍ក្រេវក្រោធជាងនេះទៅទៀត គឺអ្នករំលោភបំពានម្នាក់ដែលបានផ្ញើរូបសត្វស្វាជាច្រើនចូលប្រអប់សាររបស់ខ្ញុំ គឺជាគ្រូគណិតវិទ្យា។ គាត់បង្រៀនក្មេងៗ!! តែគាត់បែរជាអាចរំលោភបំពានពូជសាសន៍ដោយសេរីបែបនេះ"។
នេះមិនមែនជាលើកទី ១ ទេដែលកីឡាករអង់គ្លេសរូបនេះ បានរងគ្រោះដោយការរំលោភបំពានលើបណ្តាញសង្គម៕