អាមេរិក៖ នៅក្នុងវីដេអូមួយ ដែលត្រូវបានចេញតាមអ៊ីនធើណេតនាពេលថ្មីៗនេះ ដោយអ្នកផលិតភាពយន្តឯកសារអំពីថាសហោះ បានបង្ហាញពីវត្ថុរាងស្វ៊ែរមួយរេចុះរេឡើងពីលើមហាសមុទ្រមួយសន្ទុះ រួចក៏មុជចូលទៅក្នុងមហាសមុទ្របាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាអ្នកនាំពាក្យមន្ទីរបញ្ចកោណអាមេរិកបានបញ្ជាក់ថា កងនាវាអាមេរិកពិតជាបានចាប់យករូបភាពនេះពិតមែនក៏ដោយ ក៏អ្នកនាំពាក្យមិនបានប្រាប់អំពីកន្លែង និងពេលវេលាដែលគេថតបាននោះទេ។
យោងតាមលោក Corbell ដែលជាម្ចាស់វីដេអូនេះបានឲ្យដឹងថា វីដេអូនេះត្រូវបានថតនៅថ្ងៃទី15 ខែកក្កដា ឆ្នាំ2019 នៅម៉ោងប្រហែល11យប់ (ម៉ោងអាមេរិក) ថតពីក្នុងមជ្ឈមណ្ឌល USS Omaha's Combat Information Center ក្បែរឆ្នេរ San Diego។
ហើយមិនមានបំណែកណាមួយត្រូវបានរកឃើញ នៅទីតាំងដែលវត្ថុនោះបានធ្លាក់ចុះនោះទេ។
Corbell បានសរសេរថា គេបានប្រើនាវាមុជទឹកមួយដើម្បីស្វែងរកបំណែក តែមិនបានរកឃើញអ្វីទាំងអស់៕
ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូត សូមចូលទៅកាន់តេឡេក្រាម៖ https://t.me/khmerload