បើខកខានមិនបានទស្សនា ទាំងនេះគឺជាបណ្ដុំរូបចន្ទ្រគ្រាសធំក្រហមដ៏អស្ចារ្យ នៅតាមបណ្ដាប្រទេសមួយចំនួន កាលពីយប់មិញ

បរទេស៖ ដោយសារតែអាកាសធាតុមិនសូវអំណោយផល ទើបបាតុភូតចន្ទ្រគ្រាសធំក្រហមពិបាកនឹងមើលឃើញដោយផ្ទាល់ នៅក្នុងប្រទេសកម្ពុជា ក៏ព្រោះតែតំបន់ខ្លះមានពពកក្រាស់ៗបាំងបិទផ្ទៃមេឃ។ បើទោះជាមានអាកាសធាតុល្អ ក៏ភាគរយនៃការមើលឃើញព្រឹត្តិការណ៍មួយនេះ គឺមានប្រហែល៥០ភាគរយប៉ុណ្ណោះ នៅក្នុងប្រទេសកម្ពុជា។

បាតុភូតមួយនេះបានចាប់ផ្ដើម មុនពេលព្រះចន្ទរះឡើងនៅក្នុងប្រទេសរបស់យើង ទើបយើងបាត់បង់ឱកាសពាក់កណ្ដាល ហើយពេលព្រះចន្ទចាប់ផ្ដើមបណ្ដែតខ្លួនឡើង គឺចំពេលរាហ៊ូលេបអស់ នៅខាងចុងជើងមេឃទិសខាងកើត ដែលត្រូវប្រើពេលយូរបន្តិច ទម្រាំបង្ហាញខ្លួនបានខ្ពស់បន្តិច។ គួរបញ្ជាក់ថា ចន្ទ្រគ្រាសមួយនេះកើតឡើង ប៉ុន្មានម៉ោងបន្ទាប់ពីវាបានខិតទៅកៀកចំណុចនៅជិតផែនដី ដែលបណ្ដាលឲ្យវាមានទំហំធំជាងពេលធម្មតាបន្តិច និងមានពន្លឺខ្លាំងជាងមុនបន្តិចផងដែរ។

បើអ្នកខកខានមិនបានឃើញទិដ្ឋភាពដ៏កម្រនេះ ខាងក្រោមគឺជាបណ្ដុំរូបភាពដែលត្រូវបានគេថតបាន តាមបណ្ដាប្រទេសមួយចំនួន នៅលើពិភពលោក៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូត សូមចូលទៅកាន់តេឡេក្រាម៖ https://t.me/khmerload