បរទេស៖ Facebook និង Instagram នឹងផ្តល់ជម្រើសដល់អ្នកប្រើប្រាស់ទាំងអស់ ក្នុងការលាក់ចំនួន likes ជាសាធារណៈនៅលើការបង្ហោះរបស់ពួកគេ។ ជាទូទៅ ចំនួន likes នៅលើផុសមានច្រើនឬក៏តិច គឺបញ្ជាក់ពីឥទ្ធិពលរបស់អ្នកផុសនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សFacebook បាននិយាយនៅក្នុងការបង្ហោះប្លក់កាលពីថ្ងៃពុធថា អ្នកប្រើប្រាស់ម្នាក់ៗអាចជ្រើសរើស បិទមិនឱ្យគេឃើញចំនួន likes នៅលើការបង្ហោះរបស់ខ្លួន និងបិទមិនមើលឃើញចំនួន likes លើការបង្ហោះរបស់អ្នកប្រើប្រាស់ផ្សេងទៀតបាន។
ទោះជាយ៉ាងណាក៏ដោយ ការលាក់ចំនួន likes នៅលើ Facebook និង Instagram គឺជាជម្រើស optional ពោលគឺបិទក៏បានមិនបិទក៏បាន វាមិនមែនជា default នោះទេ។
តែទោះបើជាអ្នកប្រើប្រាស់បិទមិនឱ្យគេឃើញចំនួន likes លើផុសរបស់ខ្លួនក៏ដោយ ក៏អ្នកដទៃនៅតែអាចមើលឃើញ ថាអ្នកណាខ្លះចុច like លើផុសនោះ ប៉ុន្តែពួកគេនឹងមិនអាចមើលឃើញចំនួន likes បានឡើយ។ ហើយម្ចាស់ផុស នៅតែអាចមើលឃើញចំនួន likes បាន ទោះបីជាវាមិនត្រូវបានបង្ហាញជាសាធារណៈក៏ដោយ។
ក្រុមហ៊ុនបាននិយាយថា លក្ខណៈពិសេសនេះនឹងអនុញ្ញាតឱ្យអ្នកប្រើប្រាស់ផ្តោតលើរូបថតនិងវីដេអូដែលត្រូវបានចែករំលែក ជាជាងចំនួន likes ដែលទទួលបាន។
អ្នកប្រើប្រាស់ Facebook និង Instagram ក៏អាចជ្រើសរើសមិនឃើញចំនួន likes លើការបង្ហោះរបស់អ្នកដទៃបានផងដែរ ដោយគ្រាន់តែចូលទៅកាន់ "new posts" ក្នុង settings៕
ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូត សូមចូលទៅកាន់តេឡេក្រាម៖ https://t.me/khmerload