គ្រាន់តែឮថាខ្សែប្រយុទ្ធឆ្នើមរបស់ Real Madrid ចង់ចាកចេញ Mourinho ចង់អូសទាញរូបគេមក Roma ដើម្បីបានជួបជុំគ្រូសិស្សវិញ

អឺរ៉ុប៖ លោក Jose Mourinho ចង់ចុះហត្ថលេខាលើខ្សែប្រយុទ្ធស្លាបរបស់ក្លិប Real Madrid ដែលកំពុងញាំញីដោយរបួសគឺ Eden Hazard ដែលជាការបន្ថែមដ៏សំខាន់មួយរបស់គាត់នៅឯក្លិប Roma ។ អ្នកចាត់ការសញ្ជាតិព័រទុយហ្កាល់ដែលត្រូវបានបណ្តេញចេញពី Tottenham មុនបញ្ចប់រដូវកាលនេះគឺចង់ធ្វើការជាមួយជនជាតិបែលហ្ស៊ិកដែលលោកបានបង្វឹកនៅ Chelsea ចន្លោះឆ្នាំ ២០១៣-១៥ ក្នុងអាជីពទី ២ របស់លោកនៅឯ Stamford Bridge ។

យោងទៅតាមសារព័ត៌មាន Deportes Cuatro នៅប្រទេសអេស្ប៉ាញបានឱ្យដឹងថាលោក Mourinho កំពុងតែរៀបចំផែនការទាក់ទាញសំរាប់កីឡាករវ័យ ៣០ ឆ្នាំរូបនេះ។

Hazard បានផ្លាស់ទៅ Real វិញនៅឆ្នាំ ២០១៩ ក្នុងតម្លៃ ១៣០ លានផោន ប៉ុន្តែជាការខកចិត្តយ៉ាងខ្លាំងនៅរដ្ឋធានីអេស្ប៉ាញ។ ដំបូងគាត់មានបញ្ហាទំងន់ ហើយហាក់ដូចជាត្រូវបណ្តាសាដោយបញ្ហារបួស។ ក្នុងរយៈពេលពីរឆ្នាំគាត់រកបានតែ ៥ដងប៉ុណ្ណោះ ហើយ Real ត្រូវបានគេយល់ថាអស់សង្ឃឹមនឹងគាត់។

របាយការណ៍ខ្លះបានលើកឡើងថា ក្លិបនឹងសុខចិត្តឱ្យគាត់ចាកចេញដោយឥតគិតថ្លៃដើម្បីកុំឱ្យខាតប្រាក់ឈ្នួលរបស់គាត់ដើម្បីបន្ធូបន្ថយផ្នែកហិរញ្ញវត្ថុខ្លះ៕