តារាសម្ដែងស្រីកញ្ញា មាន សូនីតា នាមុននេះបន្តិចបានចែករំលែកវីដេអូកម្រងអនុស្សាវរីយលើបណ្ដាញសង្គមមួយ រួមតារាសម្ដែងស្រីរស់នៅក្រៅប្រទេសអ្នកនាង សារ៉ាយ សក្ខណា ដែលបានបង្ហាញពីរយៈពេលក្លាយជាមិត្តហ្វេសប៊ុកនឹងគ្នារហូតដល់ ៩ឆ្នាំឯណោះ។ ប៉ុន្តែអ្វីដែលគួរឲ្យចាប់អារម្មណ៍ជាងនោះគឺ បើតាមការបញ្ជាក់តាមរយៈសំណេររបស់តារាស្រីស្រីជាប់ងារជា«រាជនីក្រមា»រូបនេះ លើកម្រងវីដេអូបានបង្ហាញថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកទាំងពីរគឺមានទំនាក់ទំនងជិតស្និទ្ធគ្នាប្រមាណជាង១៥ឆ្នាំមកហើយ ដោយនាងបានរៀបរាប់ច្បាស់ៗទាំងចិត្តរំភើប តែពិបាកចិត្តត្រង់រឿងមួយថា៖ «រំលឹកត្រួសៗស្គាល់គ្នាប្រហែល១៥ឆ្នាំហើយ ហាហា… 2006 – 2021 ដកលេងៗទៅយាយ Sad ត្រង់គេមានកូន២-០»។
យ៉ាងណាក្ដីទំនាក់ទំនងរាប់អានគ្នាបានយូរអង្វែងរបស់អ្នសិល្បៈទាំងពីររូបនេះ ទទួលបានការកោតសរសើរជាខ្លាំងពីសំណាក់មហាជនអ្នកគាំទ្រ ព្រោះវាបង្ហាញឲ្យឃើញនៅភាពស្មោះត្រង់ និងការរាប់អានចេញពីចិត្តស្មោះស្ម័គ្រ ទើបអាចរក្សាចំណងមិត្តបានរយៈពេលជិតពីរទសវត្សបែបនេះ៕