ម៉ាឌ្រីដ៖ កាលពីថ្ងៃច័ន្ទទី ២៤ ខែឧសភានេះក្លិប Deportivo Alaves បានបញ្ជាក់ថាពួកគេបានបន្តកិច្ចសន្យារបស់គ្រូបង្វឹក Javier Calleja ចំនួន ២ រដូវកាលទៀតរហូតដល់ចុងខែមិថុនាឆ្នាំ ២០២៣ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុងត្រាថ្មីនេះគឺជារង្វាន់សម្រាប់ការងាររបស់លោក Calleja ក្នុងការជួយសង្គ្រោះក្លិបឲ្យរួចផុតពីការកាត់ចេញពីក្របខណ្ឌ La Liga និងបានដឹកនាំពួកគេទៅរដូវកាលទី ៦ ជាប់ៗគ្នានៅលីគកំពូលរបស់ប្រទេសអេស្ប៉ាញ ។
ក្លិប Alaves ស្ថិតនៅបាតតារាងបន្ទាប់ចាញ់ ៧ ប្រកួតជាប់គ្នា ហើយនៅពេលអតីតគ្រូបង្វឹកក្លិប Villarreal មកជំនួសលោក Abelardo Fernandez ក៏បានក្លាយជាគ្រូបង្វឹកទី ៣ របស់ក្លឹបនារដូវកាលនេះ។ ជាងនេះទៀតលោក Calleja ក៏បានដឹកនាំក្លិបនេះទៅរកសុវត្តិភាពជាមួយនឹងការរកបាន ១៥ ពិន្ទុពីលើ ២៤ ប្រគួតកន្លងមក។
ក្លិបនេះចាញ់តែម្ដងគត់ចាប់តាំងពីលោកឡើងកាន់តំណែង ដោយចាញ់ក្លិប Eibar ក្នុងលទ្ធផល ៣-០ និងចាញ់ក្លិប Sevilla ១-០ ម្ដងទៀតកាលពីថ្ងៃអាទិត្យនៅពេលដែលក្លិបនេះបានរួចផុតពីការកាត់ចេញពីក្របខណ្ឌ La Liga រួចទៅហើយ។
លោក Calleja ដែលបាននិយាយថាភារកិច្ចដំបូងរបស់លោកនឹងធ្វើការជាមួយក្លិបដើម្បីពិចារណាលើផែនការសម្រាប់មុនចាប់ផ្ដើមរដូវកាលថ្មីនិងក្រុមជម្រើសដំបូងនៅរដូវកាលក្រោយមុនពេលការឈប់សម្រាក ក៏បានបន្ថែមថា “ការយោគយល់គ្នារវាងពួកយើងគឺ ១០០% ខ្ញុំពិតជារីករាយណាស់”។
Alaves គឺជាក្លិបទី ២ ហើយដែលលោក Calleja បានដឹកនាំការហ្វឹកហាត់បន្ទាប់ពីក្លិប Villarreal ក្រោយពេលលោកបានសម្រេចចិត្តមិនបន្តកុងត្រានៅចុងបញ្ចប់នៃរដូវកាល ២០១៩-២០២០ បើទោះបីជាលោកបានដឹកនាំពួកគេទៅកាន់ចំណាត់ថ្នាក់លេខ ៥ ក្នុងក្របខណ្ឌ La Liga ក៏ដោយ៕
ប្រភព៖ Xinhua News