ភ្នំពេញ៖ តារាចម្រៀង Original Song ស៊ូលី ផេង តែងតែទទួលបានការគាំទ្រយ៉ាងពីសំណាក់ស្រទាប់យុវវ័យ ព្រោះតែ បទរបស់តារាប្រុសរូបនេះសុទ្ធសឹង បង្ហាញពីរឿងរ៉ាវស្នេហាពិតៗ ចាក់ដោតធ្លុះធ្លាយ ក្នុងដួងចិត្តរបស់មហាជនគ្រប់ៗគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ វាមិនមែនតែបទបែបមនោសញ្ចេតនា អន្លង់អន្លោចបណ្តែតអារម្មណ៍យ៉ាងពីរោះៗនោះទេ សូម្បីតែ Caption របស់តារាចម្រៀងប្រុសរូបនេះ បានបង្ហោះជារឿយៗ ក៏សុទ្ធតែមានន័យ ចាក់ចំបេះដូងរបស់មហាជនចំនួន ដែលបានពិពណ៌នា តថភាពពិតនៃរឿងរ៉ាវស្នេហា ក៏ទទួលការចែករំលែក តៗគ្នាផងដែរ។
ដោយឡែក កាលពីថ្មីៗនេះ ម្ចាស់បទ «អ្នកជិតដិត» បានបង្ហោះរូបប៉ុន្មានសន្លឹកនៅលើគណនីផេកជាផ្លូវការរបស់លោក ដែលបានធ្វើដំណើរកម្សាន្ត នៅលើភ្នំ បន្ទាប់ពីបានដកឃ្លាសម្រាកពីការងារសិល្បៈមួយរយៈពេលខ្លីដើម្បីសាកថ្មឲ្យជីវិត។
ក្នុងនោះផងដែរ តារាប្រុសរូបនេះ បានអង្គុយផឹកកាហ្វេនាពេលព្រលឹម អមទៅដោយទេសភាពស្រស់ត្រកាល ដែលមើលពីលើភ្នំ ពិតជាគួរឲ្យគយគន់។ ទោះជាយ៉ាងណាការបង្ហោះមួយនេះ មិនមានខ្លឹមសារ ឬក៏ពាក្យពេចនិ៍មកជាមួយក្តី រូបលោកក៏បានចូលធ្វើសេចក្តីអធិប្បាយក្រោមការបង្ហោះដូចសព្វរាល់ដង ដែលលើកឡើងថា៖
សន្សំអារម្មណ៍ ស្អំខួរក្បាលខ្លះ ហើយនឹងជួបគ្នាឆាប់ៗ
សូមទស្សនារូបភាពខាងក្រោម៖
Bong I.T