គួរឲ្យសរសើរ! ក្រោយភ្លៀងមួយមេធំ ទឹកប្រឡាយស្ទឹងមានជ័យ គ្មានសំរាមអណ្តែតទាល់តែសោះ

រាជធានីភ្នំពេញ ៖ មិនសរសើរមិនបាន ធ្លាប់តែមានសំរាមអណ្តែត ស្ទើររាល់ថ្ងៃ តែមួយរយៈក្រោយមក បន្ទាប់ពី មានណែនាំ ពន្យល់ដល់ ប្រជាជនក្នុងតំបន់នោះរួចមក ពេលនេះ លទ្ធផលផ្តល់ឲ្យហើយ។

ពិតណាស់ កាលពីព្រឹកមិញនេះ ក្នុងមូលដ្ឋានរាជធានីភ្នំពេញ មានភ្លៀងធ្លាក់មួយមេធំ អ្វីដែលគួរឲ្យកត់សម្គាល់នោះគឺ ប្រលាយស្ទឹងមានជ័យ ដែលធ្លាប់តែ មានសំរាមអណ្តែតឥតដាច់ ជាពិសេស ក្រោយមេឃភ្លៀងបែបនេះ តែគួរឲ្យភ្ញាក់ផ្អើល ខ្លាំងណាស់ នាព្រឹកនេះ គេសម្គាល់ឃើញថា គ្មានសំរាមអណ្តែតទាល់តែសោះ មើលទៅស្រលះភ្នែកតែម្តង ដែលនេះ បង្ហាញពី ការយល់ដឹងដ៏ប្រសើររបស់ប្រជាជន រស់នៅក្នុងតំបន់នោះ។

គួរបញ្ជាក់ថា នេះបើយោងតាម អាជ្ញាធរ​សង្កាត់​ស្ទឺងមានជ័យ១ ដោយប្រាប់ឲ្យដឹងថា យប់មិញ​ភ្លៀងមួយមេធំ ទឹកប្រឡាយស្ទឹងមានជ័យមានការឡើងខ្លាំង អ្វីដែលចាប់អារម្មណ៍នោះ នៅលើផ្ទៃទឹកប្រឡាយគឺគ្មានសំរាម​នោះទេ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ប្រភព ៖ កម្ពុជាថ្មី