ហានិភ័យ! រដ្ឋបាលក្រុងប៉ោយប៉ែតប្រកាស អំពាវនាវស្វែងរកបុរសម្នាក់នេះ ក្រោយរត់គេចចេញពីមណ្ឌល ចត្តាឡឺស័ក

បន្ទាយមានជ័យ: យោងតាមសារជូនដំណឹងមួយនៅលើគេហទំព័រហ្វេសប៊ុកផ្លូវការរបស់រដ្ឋបាលក្រុងប៉ោយប៉ែត សូមជូនដំណឹងដល់សាធារណជន និងប្រជាពលរដ្ឋទូទៅឲ្យបានជ្រាបថា កាលពីថ្ងៃម្សិលមិញនេះ ពោលគឺនៅថ្ងៃទី២៣ ខែឧសភា ឆ្នាំ២០២១កន្លងទៅនេះ បុគ្គលឈ្មោះ ឃុន ផានណា មានទីលំនៅនៅក្រុងប៉ោយប៉ែត (ម្តុំផ្សាររ៉ា) បានរត់ចេញពីកន្លែងចត្តាឡីស័ក នៅវិទ្យាល័យមង្គលបូរី ដោយប្រសិនបើបងប្អូនណាបានស្គាល់ សូមជួយផ្តល់ដំណឹងមកអាជ្ញាធរក្រុង សង្កាត់ ឬតាមរយៈទូរស័ព្ទលេខ 095500003 , 0969477778 ផង ៕ 

សូមរំលឹកផងដែលថា ផ្អែកតាមច្បាប់ ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ដោយក្នុងជំពួកទី៣ មាត្រា៧ បានកំណត់ចែងចំពោះអ្នកគេចវេសធ្វើចត្តាឡីស័ក និងរត់ចេញពីមណ្ឌលចត្តាឡីស័ក នឹងត្រូវជាប់ពន្ធនាគារ ពី៦ខែទៅ៣ឆ្នាំ និងពិន័យពី ២លាន ទៅ១០លាន រៀល ខណៈបើរត់ចេញពីចត្តាឡីស័ក ហើយចម្លងជំងឺទៅអ្នកផ្សេង  នឹងត្រូវពិន័យពី២ទៅ៥ឆ្នាំ  ពិន័យជាប្រាក់ពី  ៥លានទៅ២០លានរៀល តាមច្បាប់កំណត់ជាធរមាន៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload