កំពត៖ ក្រោយរៀបការមកជាច្រើនឆ្នាំ យើងឃើញថាជីវិតប្ដីប្រពន្ធរបស់តារាចម្រៀង លោក កែវ វាសនា ជាមួយនិងភរិយា នៅតែស្រលាញ់គ្នា រស់នៅជាមួយគ្នាយ៉ាងមានសុភមង្គល និងតែងតែបង្ហាញភាពផ្អែមល្ហែមដាក់គ្នាគ្រប់សកម្មភាពនៅតាមបណ្ដាញសង្គម ធ្វើឲ្យអ្នកណាៗឃើញហើយក៏លួចច្រណែននឹងពួកគេសឹងគ្រប់គ្នាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង កាលពីម្សិលមិញនេះ លោក កែវ វាសនា បានដឹកដៃគ្រួសារ មានភរិយា និងកូនៗជាទីស្រឡាញ់របស់លោក ធ្វើដំណើរកម្សាន្ត សាងសុភមង្គល យ៉ាងកក់ក្តៅនៅលើទឹកដីខេត្តកំពត ថែមទាំងបានបង្ហោះរូបភាព ដែលបង្ហាញពីភាពសប្បាយរីករាយ នៅលើដងព្រែក ជាមួយភរិយានិងកូនៗលោកទៀតផង ដែលធ្វើឲ្យហ្វេនៗច្រណែនមិនស្ទើរ។
យ៉ាងណាមិញ ក្រោយពីបង្ហោះរូបខណះពេលធ្វើដំណើរកម្សាន្តនេះហើយ ក៏មានអ្នកគាំទ្រជាច្រើនសរសើរក៏ដូចជាច្រណែនពីជីវិតតារាប្រុសរូបនេះ ដែលតែងតែមានពេលវេលាសម្រាប់ក្រុមគ្រួសារ ថែមទាំងជាគូស្នេហ៍គំរូដោយពុំដែលឃើញមានរឿងអាស្រូវទៀតផង៕
សូមទស្សនារូបភាពខាក្រោម៖