អេស្ប៉ាញ៖ ក្លិបអ្នកមានបុណ្យ Barcelona ត្រូវបានគេរាយការណ៍ថាបានទាក់ទងទៅខ្សែប្រយុទ្ធ Harry Kane ដើម្បីចែចូវយកគេមកលេងនៅទឹកដីកីឡដ្ឋាន Camp Nou នៅដំណាច់រដូវកាលនេះ។
ព័ត៌មាននៃការចាកចេញរបស់ប្រធានក្រុមជម្រើសជាតិអង់គ្លេសរូបនេះពីក្លិប Tottenham Hotspur បានផ្ទុះឡើងធ្វើឲ្យបណ្ដាក្លិបធំៗនៅអឺរ៉ុបដូចជា Manchester United, Manchester City នាំគ្នាដាក់សំណើចង់ទិញយកគេហើយ Barcelona ក៏ជាក្លិបមួយក្នុងនោះដែរ។
Barcelona ចង់យក Kane មកពង្រឹងតំបន់ប្រយុទ្ធឲ្យមុតស្រួច ព្រោះនៅរដូវកាលនេះ ក្លិបឈ្នះបានតែពាន Copa Del Rey មួយគត់ ។ ម្យ៉ាងទៀតក្លិបក៏ចង់យកគេមកជំនួសខ្សែប្រយុទ្ធ Luis Suarez ដែលចាកចេញទៅលេងនៅ Atletico Madrid ដែរ។
Erling Haaland ក៏ស្ថិតនៅក្នុងរ៉ាដារបស់ក្លិបយក្សនៅតំបន់កាតាឡាន់មួយនេះដែរប៉ុន្តែ Kane គួរតែមានតម្លៃខ្លួនទាបជាងទើបវាស័ក្តិសមសម្រាប់ស្ថានភាពហិរញ្ញវត្ថុរបស់ក្លិប។
ក្រៅពី Kane ក្លិប Barcelona ក៏ចង់នាំយកកីឡាករចំណូលថ្មីមួយចំនួនដូចជា Sergio Aguero, Memphis Depay ,Eric Garcia និង Georginio Wijnaldum ផងដែរ៕
ប្រភព៖ express
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប