អូស្ត្រាលី៖ ក្លិបអធិរាជស Real Madrid មិនទាន់បានបញ្ចេញឯកសណ្ឋានរដូវកាលថ្មី ២០២១-២០២២ នៅឡើយទេ ប៉ុន្តែ ឈុតក្នុងដីថ្មីនេះបានបែកធ្លាយពេញបណ្ដាញអ៊ីនធើណេតមុនទៅហើយ ដោយហាងលក់សម្ភារៈកីឡាមួយនៅ អូស្ត្រាលី បានយកវាមកដាក់លក់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហាងនោះមានឈ្មោះថា Rebel Sport ស្ថិតក្នុងទីក្រុង ម៊ែលប៊ូន ដោយអាវម៉ូតថ្មីនេះមានផ្ទៃពណ៌សសុទ្ធដូចរដូវកាលមុនដែរ គ្រាន់តែដូរឆ្នូតនៅខាងលើស្មាអាវទៅជាពណ៌ទឹកប៊ិចចាស់ ហើយត្រង់កអាវរាងមូលនោះមានឆ្នូតពីរជាន់គឺពណ៌ទឹកក្រូចមួយជាន់ និងពណ៌ខៀវចាស់មួយជាន់ទៀត។
ចំណែកត្រង់ដៃអាវខ្លីក៏ដូចគ្នាគឺលាយឆ្នូតពណ៌ទឹកក្រូចនិងពណ៌ខៀវចាស់ រីឯមនិមិត្តសញ្ញារបស់ក្រុមហ៊ុនអាវ Adidas ដែលឧបត្ថម្ភឲ្យ Real Madrid គឺប្ដូរទៅជាពណ៌ទឹកក្រូចវិញ។ ស្លាកសំគាល់ Emirates ក្រោមពាក្យស្លោក Fly Better របស់ក្រុមហ៊ុនអាកាសចរណ៍ Emirates នៃសាធារណរដ្ឋអារ៉ាប់រួម ប្ដូរទៅជាពណ៌ខៀវចាស់ដាក់ចំកណ្ដាលអាវ។
អ្វីដែលគួរឲ្យភ្ញាក់ផ្អើលគឺក្រៅពីអាវរបស់ Real Madrid ហាងមួយនោះក៏បានដាក់លក់ឯកសណ្ឋានថ្មីរបស់ក្លិបសេះបង្កង់ Juventus ដែលក្លិបបានផ្សព្វផ្សាយជាផ្លូវការផងដែរ៕
ប្រភព៖ marca
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប