អង់គ្លេស៖ លោកគ្រូបង្វឹក Ole Gunnar Solskjaer នៃក្លិបបិសាចក្រហម Manchester United បានបង្ហើបថាក្លិបនឹងទិញយកខ្សែប្រយុទ្ធថ្មីនៅរដូវក្ដៅនេះ បើទោះបីជាខ្សែប្រយុទ្ធ Edinson Cavani បន្តកុងត្រាថែម១ឆ្នាំទៀតក៏ដោយដែលនោះអាចជាតម្រុយថាក្លិបនឹងស្វាគមន៍ ខ្សែប្រយុទ្ធ Harry Kane ជានិច្ច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ព័ត៌មានចចាមអារ៉ាមជាច្រើនបានផ្ទុះឡើងថា Kane នឹងចាកចេញពីក្លិបខ្នាយមាន់មាស Tottenham Hotspur នៅដំណាច់រដូវកាលបន្ទាប់ពីខកខានឱកាសលើកពានសរុប១៣ឆ្នាំមកហើយព្រោះគេមានបំណងចង់លើកពានជាមួយក្លិបដែលគេលេង ជាពិសេសគឺពាន Premier League ទើបធ្វើឲ្យក្លិបនៅអង់គ្លេសដទៃទៀតចាប់អារម្មណ៍ចង់បានប្រធានក្រុមជម្រើសជាតិអង់គ្លេសរូបនេះ។
កន្លងមក Manchester City, Chelsea, Barcelona និង Manchester United សុទ្ធតែចង់ទិញយកគេទាំងអស់ ប៉ុន្តែឥលូវនេះ Solskjaer បានបង្ហើបឲ្យដឹងហើយថាក្លិបត្រៀមស្វាគមន៍ខ្សែប្រយុទ្ធថ្មី បើទោះបីជា Cavani ស្នាក់នៅ Old Trafford បន្តក៏ដោយ។
ថ្លែងប្រាប់អ្នកសារព័ត៌មាន Sky Sports លោកគ្រូបាននិយាយថា៖
ពួកយើងកំពុងធ្វើគ្រប់យ៉ាងដើម្បីពង្រឹងក្រុមទាំងមូល ពិតណាស់ថាមានអ្វីជាច្រើនយ៉ាងដែលយើងត្រូវគិត នៅពេលដែលយើងដាក់កីឡាករឲ្យចូលលេងរួមគ្នា។ ខ្ញុំមិនបានមានន័យថាបើ Edi ស្នាក់នៅបន្តនោះខ្សែប្រយុទ្ធផ្សេងមិនអាចផ្ទេរមកក្លិបយើងបាននោះទេ។ ពិតណាស់ថា Edi បន្តកុងត្រា ប៉ុន្តែតើក្លិបមានខ្សែប្រយុទ្ធល្អៗប៉ុន្មាននាក់? ខ្ញុំមិនអាចនិយាយបានថាពួកយើងនឹងមិនទិញយកខ្សែប្រយុទ្ធមកបានឡើយ ព្រោះពួកយើងកំពុងស្វែងរកកីឡាករដើម្បីយកមកពង្រឹងក្រុម។ ពួកយើងបានជាប់ចំណាត់ថ្នាក់ទាំង៣នៅពីររដូវកាលហើយប៉ុន្តែពួកយើងមិនទាន់ឡើងមកឈរនៅចំណុចដែលពួកយើងចង់បានទេ។ដូច្នេះពួកយើងត្រូវការពង្រឹងខ្លួនឯងដើម្បីប្រកួតប្រជែងជាមួយក្រុមផ្សេងទៀតនៅរដូវកាលក្រោយ។
ប្រភព៖ metro
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T