ក្តៅៗ តេស្តរហ័ស រកឃើញអ្នកឆ្លងថ្មីម្នាក់នៅខេត្តស្ទឹងត្រែង មានប្រវត្តិធ្វើដំណើរមកពីខេត្ត...

ស្ទឹងត្រែង: យោងតាមសេចក្តីជូនដំណឹងរបស់រដ្ឋបាលខេត្តស្ទឹងត្រែង សូមជម្រាបជូនដំណឹងដល់សាធារណជន និងពុកម៉ែ បងប្អូនប្រជាពលរដ្ឋក្នុងខេត្តស្ទឹងត្រែង មេត្តាជ្រាបថា នៅថ្ងៃទី១៨ ខែឧសភា ឆ្នាំ២០២១នេះ តាមរយៈការជូន ដំណឹង និងការប្រមូលព័ត៌មានក្នុងមូលដ្ឋាន ភូមិស្រឡៅ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង ក្រុមគ្រូពេទ្យបានចុះយកសំណាកអ្នកសង្ស័យពាក់ព័ន្ធ ដើម្បីវិភាគរកជំងឺកូវីដ-១៩ ដោយបើឧករណ៍ តេស្ដរហ័ស (Abbott Panbia'M COVID-19 Ag) ក្នុងនោះបានរកឃើញករណ៍វិជ្ជមាន ប្រជាពលរដ្ឋ ចំនួន ១នាក់ ជាករណ៏ទី៣ ក្នុងខេត្តស្ទឹងត្រែង លើយុវជនឈ្មោះ ជាង ស៊ី ភេទប្រុស អាយុ ១៨ឆ្នាំ ជនជាតិខ្មែរ ដែលពាក់ព័ន្ធនឹងករណ៏វិជ្ជមានចំនួន ៥នាក់ ក្នុងគ្រួសារមួយនៅ ភូមិព្រែកតាវភ្នំ ឃុំពោធិ៍បាន ស្រុកកោះធំ ខេត្តកណ្តាល ។ ដោយសាមីធ្លាប់បានខ្លួនធ្វើដំណើរតាមរថយន្តដឹកបន្លែពីស្រុកកោះធំ ខេត្តកណ្តាល មកកាន់ខេត្តស្ទឹងត្រែង នៅថ្ងៃទី១៥ ខែឧសភា ឆ្នាំ២០២១ ដោយអាស្រ័យសូមពុកម៉ែ បងប្អូន និងប្រិយមិត្ត មេត្តាជ្រាបជាព៏ត៌មាន៕

ចង់ជ្រាបព័ត៌មានឲ្យកាន់តែច្បាស់ជាងនេះទៅទៀតនោះ សូមអានសេចក្តីប្រកាសព័ត៌មានលម្អិតដែលមានភ្ជាប់ជូននៅផ្នែកខាងក្រោម៖