កូរ៉េខាងត្បូង៖ មានការឲ្យដឹងដែរថា GFRIEND ក្រុមនារីរបស់ផលិតកម្ម Source Music នឹងអាចប្រឈមនឹងការបំបែកក្រុម បើពួកគេបរាជ័យក្នុងការបន្តចុះកុងត្រាជាមួយនឹងផលិតកម្ម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
សេចក្ដីរាយការណ៍យោងតាមការចេញផ្សាយពី Tenasia បានបញ្ជាក់ថា GFRIEND អាចនឹងបំបែកក្រុមឆាប់ៗ ហើយសមាជិកនឹងចែកផ្លូវគ្នាដើរ ទៅតាមក្ដីសុបិនរៀងៗខ្លួន ប្រសិនជាពួកគេបរាជ័យក្នុងការពិភាក្សាបន្តកុងត្រាជាមួយនឹងផលិតកម្ម Source Music។ ប៉ុន្តែទាក់ទងនឹងព័ត៌មានផ្សេងទៀត មិនឃើញមានចេញផ្សាយឡើយលើវិបសាយព័ត៌មាន Tenasia។
គួរបញ្ជាក់ផងដែរថា ក្រុមចម្រៀងនារីមួយនេះបង្កើតតាំងពីឆ្នាំ ២០១៥ និងបានសាងកេរ្តិ៍ឈ្មោះជាក្រុមចម្រៀងនារីថ្មីដែល មាន Concept ពិសេសប្លែកៗ និងបង្កភាពរីករាយដល់អ្នកគាំទ្រ។ ភាពល្បីល្បាញរបស់ពួកគេមិនត្រឹមតែនៅក្នុងប្រទេសទេ ប៉ុន្តែក៏រីកសាយដល់ឆាកអន្តរជាតិដែរ ដោយសារភាពទាក់ទាញចេញពីក្បាច់រាំ។
ផលិតកម្ម Source Music បានចេញសេចក្ដីប្រកាសហើយថា ក្រុម GFRIEND នឹងត្រូវបំបែកឆាប់ៗ បន្ទាប់ពីពួកគេសម្រេចដើរផ្លូវរៀងៗខ្លួន ហើយផលិតកម្មនេះមានតែស្រប និងគោរពតាមការសម្រេចរបស់សមាជិក ក៏ដូចជាជូនពរ និងគាំទ្រជានិច្ចរាល់សកម្មភាពទោលរបស់ពួកគេ ក្រោយបញ្ចប់កុងត្រាពីខ្លួន៕
Bong I.T