អង់គ្លេស៖ យោងតាមសេចក្ដីរាយការណ៍គឺ ក្លិបបិសាចក្រហម Manchester United កំពុងសម្លឹងរង់ចាំមើលស្ថានភាពរបស់ ខ្សែការពារ Kieran Trippier ខណៈព័ត៌មានចចាមអារ៉ាមផ្ទុះឡើងថាគេនឹងចាកចេញពីក្លិប Atletico Madrid និងវិលត្រឡប់មកលេងនៅទឹកដីអង់គ្លេសវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សManchester United ចង់បានអតីតកីឡាកររបស់ Tottenham Hotspur រូបនេះក៏ព្រោះមានបំណងយកគេមកជំនួសខ្សែការពារ Aaron Wan-Bissaka ។
Trippier ក៏ត្រូវបានគេរាយការណ៍ដែរថាគេនឹងបានចូលលេងក្នុងក្រុមជម្រើសជាតិអង់គ្លេស នៅ ព្រឹត្តិការណ៍ Euro 2020 ក្រោមការដឹកនាំរបស់លោកគ្រូបង្វឹក Gareth Southgate ។
Atletico ដែលកាន់តែកៀកក្នុងការដណ្ដើមតំណែងជើងឯក La Liga រដូវកាលនេះចង់ឃាត់ Trippier ឲ្យស្នាក់នៅបន្ត ដោយចង់បន្តកុងត្រាថ្មីពីលើកុងត្រាចាស់ដែលនឹងផុតកំណត់នៅរដូវក្ដៅឆ្នាំក្រោយ ប៉ុន្តែកីឡាករវ័យ៣០ឆ្នាំរូបនេះ មិនចង់បន្តស្នាក់នៅទឹកដី អេស្ប៉ាញ ទៀតឡើយនិងគ្រោងមកលេងនៅ Premier League វិញ។
Tripper បានវិលត្រឡប់មកលេងឲ្យ Atletico Madrid វិញហើយបន្ទាប់ពីជាប់បំរាមរឿងភ្នាល់កីឡាករ កាលពីខែធ្នូកន្លងទៅដោយទទួលរងការពិន័យ ៧ម៉ឺនផោន(ស្មើនឹងប្រមាណ៩ម៉ឺន ៨ពាន់ដុល្លារ ក្រោយគេបានប្រាប់មិត្តឈ្មោះ Olivier Hawley ថាគេនឹងទៅចូលរួមជាមួយ Atletico Madrid ហើយមិត្តម្នាក់នោះបានយកដំណឹងទៅភ្នាល់ជាប្រាក់បន្ត៕
ប្រភព៖ thesun
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប