GFriend នឹងរំសាយក្រុម ព្រោះសមាជិកទាំង ៦ មិនបន្តកុងត្រាជាមួយផលិតកម្ម Source Music

កូរ៉េខាងត្បូង៖ នៅថ្ងៃទី ១៨ ឧសភា ផលិតកម្ម Source Music បានចេញលិខិតជាសាធារណៈថា​ក្រុមចម្រៀងនារី GFriend នឹងត្រូវរំសាយក្រុមហើយដោយសារតែសមាជិកទាំង ៦ នាក់មិនបន្តកុងត្រា​ និងចង់ដើរផ្លូវផ្សេងគ្នាបន្ទាប់ពីធ្វើការរួមក្រុមអស់រយ់ពេល ៦ ឆ្នាំ។​ កុងត្រានឹងបញ្ចប់ជាផ្លូវការនៅថ្ងៃទី ២២ ឧសភា ២០២១​ នេះឯង។

អស់រយៈពេល ៦ ឆ្នាំដែល GFriend បាននាំបទចម្រៀងពីរោះៗ និងការសម្ដែងអស្ចារ្យជាច្រើដល់អ្នកគាំទ្រទូទាំងប្រទេស។​ អ្នកគាំទ្រពិតជាមានការសោកស្ដាយដែលអ្នកទាំង ៦ ត្រូវចែកផ្លូវគ្នានៅពេលនេះ ប៉ុន្តែទោះបីជាយ៉ាងណា អ្នកទាំង ៦ ក៏នៅតែបន្តការងារជាសិល្បៈតាមចំណូលចិត្តរបស់ខ្លួន ទោះបីជាមិនមែនជាសកម្មភាពរួមក្រុមក៏ដោយ។ សូមឲ្យសមាជិក GFriend ទាំងអស់មានសំណាងល្អនឹងវិថីជីវិតដែលពួកនាងជ្រើសរើសរៀងខ្លួន៕

ប្រភព៖ NAVER