អស់ទាស់! កញ្ចក់លើ Samsung ជំនាន់ក្រោយ មានភាពបត់បែនខ្លាំងស្ទើរតែមិនគួរឱ្យជឿ

បរទេស៖ នៅក្នុងសន្និសីទបង្ហាញប្រចាំឆ្នាំរបស់ក្រុមហ៊ុន Samsung ក្រុមហ៊ុនបច្ចេកវិទ្យាយក្សរបស់កូរ៉េមួយនេះទើបតែបង្ហាញអេក្រង់នាពេលអនាគតរបស់ខ្លួន ដែលអាចធ្វើបានលើសពីការបត់បានទៅទៀត។

ក្រុមហ៊ុន Samsung បានបង្ហាញពីគំរូអេក្រង់ S-foldable ថ្មីមួយទៀត ដែលវាមិនដូចអេក្រង់បត់ដែលក្រុមហ៊ុន Samsung បានប្រើនៅក្នុងខ្សែស្រឡាយ Z Fold ឬ Z Flip នោះទេ គឺវាមានការរចនា multi-fold ដែលអាចលាតទៅជាអេក្រង់ OLED ទំហំ7.2អ៊ីញបាន។ Samsung និយាយថាជាមួយនឹង S-foldable ខ្លួនមានគោលបំណងបង្កើតអ្វីមួយស្រដៀងនឹង Galaxy Z Fold 2 ដែលអាចបត់បានទៅជារូបរាងទូរសព្ទផងនិង tablet ផង។

Samsung ក៏បានបង្ហាញពីអេក្រង់ដែលអាច slide ទៅចំហៀងបាន ខណៈនៅតែរក្សារាងទូរសព្ទដដែល។ ទោះបីជាក្នុងរូបភាពខាងលើ អេក្រង់ចំហៀង slide ចេញតែមួយអ៊ីញឬពីរក៏ដោយ តែគំនិតនេះគឺអាចបង្កើតអេក្រង់ដែលអាចផ្លាស់ប្តូរទំហំអាស្រ័យលើស្ថានភាព ព្រមទាំងអាចកាត់បន្ថយកម្រាស់ទូរសព្ទបានទៀតផង។

លើសពីនេះទៀត សម្រាប់អ្នកដែលចង់បានអេក្រង់ធំហើយអាចបត់បាន ក្រុមហ៊ុន Samsung ក៏បានបង្ហាញពីអេក្រង់បត់ OLED ទំហំ17អ៊ីញ ដែលអាចប្រែទៅជាកុំព្យូទ័រយួរដៃបាន ព្រមទាំងអាចបត់វាជាពាក់កណ្តាលបានដើម្បីឱ្យ space តូចជាងមុនផងដែរ៕

Join us: https://t.me/khmerload