កូរ៉េខាងត្បូង៖ នៅយប់ថ្ងៃទី១៦ ខែឧសភានេះ ខាងផលិតកម្ម JYP បានបង្ហោះនូវវីដេអូពញ្ញាក់អារម្មណ៍មួយដែលមានសមាជិកម្នាក់របស់ TWICE (Jihyo) ដែលនាងមានតួនាទីជាមេក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងវីដេអូពញ្ញាក់អារម្មណ៍នោះផងដែរ Jihyo បានបញ្ចេញនូវក្បាច់រាំដ៏មានថាមពល និងទាក់ទាញជាទីបំផុត បូករួមជាមួយអ្នករាំអមនារីជាច្រើនរូប ក្នុងរយៈពេលត្រឹមតែ ២៦ វិនាទី ដែលធ្វើអោយអ្នកគាំទ្រទាំងឡាយពិតជាមានអារម្មណ៍ភ្ញាក់ផ្អើលខ្លាំងណាស់ សម្រាប់ការសម្តែងរបស់ Jihyo មួយនេះ។ សម្រាប់ការបរិច្ឆេទនៃការចេញនូវវីដេអូមួយនេះផងដែរ គឺនៅថ្ងៃទី១៩ ខែឧសភា ខាងមុខឆាប់ៗនេះហើយ។ សូមរង់ចាំទស្សនាទាំងអស់គ្នាណា ONCE។
គួរបញ្ជាក់ផងដែរថា សម្រាប់សមាជិក TWICE នីមួយៗតែងតែមាន "Performance Project" របស់ពួកគេរៀងៗខ្លួន បើនិយាយអោយស្រួលស្តាប់ទៅវាហាក់ដូចជាការលេចមុខជាតារាចម្រៀងទោលអញ្ជឹង ប៉ុន្តែមិនទាន់មានពត៌មានណាមួយ ដែលថាសមាជិកណាមួយត្រៀមនឹងលេចមុខជាតារាចម្រៀងទោលនោះទេ ដោយសារពួកគេហាក់ស្រលាញ់ការងារជាក្រុមជាង៕
សូមទស្សនារូបភាព និងវីដេអូខាងក្រោម៖