វែល៖ ថ្មីៗនេះ កូនគោមួយក្បាល អាយុបួនខែ មកពីតំបន់ Brynmawr នៃប្រទេសវែល ទទួលបានការចាប់អារម្មណ៍យ៉ាងខ្លាំងនៅលើអ៊ីនធើណេត ក្រោយពីវាបានកើតមកមានភ្នែកបី ដែលនេះជាករណីដ៏កម្រណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់នាង Hughes ជាម្ចាស់គោខាងលើផ្ទាល់ បានឲ្យដឹងថា ភ្នែកទីបីដែលនៅចំកណ្ដាលថ្ងាស មានសភាពដូចភ្នែកសងខាងដែរ ដោយមានរោមភ្នែក ត្របកភ្នែក និងសំណើម ប៉ុន្ដែនាងមិនអាចដឹងឡើយថា មានអ្វីកើតឡើងនៅពីក្រោយភ្នែកទីបីនោះទេ។ ហើយនេះជាលើកដំបូងបង្អស់សម្រាប់នាងដែរ ដែលសត្វក្នុងកសិដ្ឋានកើតមកមានសភាពចម្លែក។
យ៉ាងណាមិញ កូនគោចម្លែកមើលទៅហាក់មានសុខភាពល្អ ហើយម្ចាស់របស់វាវិញក៏មិនបានយកចិត្តទុកដាក់លើវាជាពិសេសជាងសត្វក្នុងកសិដ្ឋានដទៃទៀតដែរ។
គួររម្លឹកដែរថា កាលពីឆ្នាំ២០១៤ នៅក្នុងប្រទេឥណ្ឌា មានគោមួយក្បាលកើតមកមានភ្នែកបី ដែលប្រជាជនបានចាត់ទុកជាព្រះអទិទេព និងគោរពបូជាផងដែរ៕
ចង់បានព័ត៌មានបន្ថែម និងរហ័ស សូមចុច៖ https://t.me/khmerload
សូមទស្សនារូបភាពខាងក្រោម៖
ប្រភព: www.ladbible.com