ចង់បានឆាប់ៗ! Solskjaer ស្នើសុំឲ្យ Man UTD ទិញកីឡាករលំដាប់ A របស់ Real Madrid រូបនេះ

អង់គ្លេស៖ យោងតាមការរាយការណ៍ លោកគ្រូបង្វឹក Ole Gunnar Solskjaer បានស្នើសុំក្លិបបិសាចក្រហម Manchester United ឲ្យទិញយកខ្សែការពារ Raphael Varane ពី Real Madrid ដើម្បីយកគេមកចាប់ដៃគូជាមួយប្រធានក្រុម Harry Maguire ។

ដូច្នេះហើយទើប Man UTD នឹងរូតរះដំណើរការផ្ទេរនេះដោយគ្រោងនឹងចាយប្រាក់ចំនួន ៤០លានផោន(ស្មើនឹង៥៦.៣លានដុល្លារ) ដើម្បីទិញយកគេ ខណៈជម្រើសផ្សេងទៀតមាន ខ្សែការពារ Pau Torres នៃក្លិប Villarreal និង Jules Kounde នៃក្លិប Sevilla ។

Varane នៅសល់កុងត្រាជាមួយ Real Madrid មួយឆ្នាំទៀត ប៉ុន្តែលេចឮព័ត៌មានថាគេនឹងមិនព្រមបន្តទៀតឡើយ ហើយកីឡាករ២៨ឆ្នាំរូបនេះសម្លឹងចង់ចាកចេញពីទឹកដី អេស្ប៉ាញ ទៅលេងនៅ អង់គ្លេស វិញក្រោយចំណាយពេលជាងដប់ឆ្នាំស្នាក់នៅ Santiago Bernabeu ។

ដូច្នេះ Real Madrid នឹងរកទីផ្សារលក់ Varane ចេញដើម្បីបានប្រាក់ខ្លះមកផ្គត់ផ្គង់ក្លិបខណៈលោកគ្រូ Ole Gunnar Solskjaer បានបង្ហើបឲ្យដឹងថាក្លិបពិតជាត្រូវការទិញកីឡាករថ្មីៗពិតមែន៕

ប្រភព៖ metro

Join us📲 : https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប