អង់គ្លេស៖ លោក Michael Owen បានចេញមុខរិះគន់ចំពោះអាកប្បកិរិយារបស់ Sadio Mane ដែលបានធ្វើដាក់លោក Jurgen Klopp ដោយបានចាត់ទុកថាជាការខ្វះសីលធម៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្នុងជ័យជម្នះ ៤ទល់នឹង២ លើ Manchester United កាលពីយប់មិញនេះ គឺ លោក Klopp ពុំបានដាក់ Sadio Mane ឲ្យលេងជាជម្រើសដំបូងដូចសព្វរាល់ដងឡើយ ពោល រូបគេត្រូវបានប្តូរចូលឲ្យលេងក្នុងនាទីទី៧៤ជំនួសកីឡាករ Diego Jota។ ក្រោយបញ្ចប់ការប្រកួត លោក Klopp បានដើរចាប់ដៃកូនក្រុមរបស់ខ្លួននៅលើទីលាន ប៉ុន្តែ ស្រាប់តែ Mane បានក្រវីក្បាល បដិសេធមិនចាប់ដៃហាក់ដូចជាបង្ហាញកាយវិការមិនសប្បាយចិត្តជាមួយលោក Klopp។
លោក Owen បាននិយាយថា៖
អ្នកមិនអាចធ្វើបែបនេះទៅកាន់អ្នកចាត់ការក្រុមបានឡើយ។ វាជាកាយវិការដែលខ្វះសីលធម៍ ហើយ វាជារូបភាពមិនល្អទៅកាន់អ្នកគាំទ្រ និង មិត្តរួមក្រុមរបស់គេ។ សូមកុំភ្លេចថា Mane មិនបានលេង ហើយ បីនាក់ទៀតដែលបានលេងដូចជា Diego Jota, Mohamed Salah និង Roberto Firmino សុទ្ធតែអាចរកគ្រាប់បាល់បាន៕
ប្រភព៖ metro
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T