ភ្នាក់ងាររបស់ Ronaldo ចេញមុខបកស្រាយរឿងវិលត្រឡប់ទៅលេងនៅក្លិបចាស់វិញ

អឺរ៉ុប៖ ថ្មីៗនេះ ព័ត៌មានចចាមអារ៉ាមជាច្រើនបានផ្ទុះឡើងថាកំពូលខ្សែប្រយុទ្ធ Cristiano Ronaldo នឹងចាកចេញពីក្លិបសេះបង្កង់ Juventus ដើម្បីវិលត្រឡប់ទៅលេងនៅក្លិប Sporting Lisbon វិញប៉ុន្តែលោក Jorge Mendes ដែលជាភ្នាក់ងាររបស់ Ronaldo បានចេញមុខបដិសេធថាព័ត៌មាននោះមិនមែនជាការពិតឡើយ។

អនាគតរបស់កីឡាករវ័យ៣៦ឆ្នាំរូបនេះជាមួយ Juventus មានភាពស្រពេចស្រពិលណាស់ ខណៈកុងត្រារបស់ Ronaldo នៅសល់តែ១២ខែទៀតប៉ុណ្ណោះ ម្យ៉ាងទៀតម្ដាយរបស់គេគឺលោកស្រី Dolores Aveiro បានជះសាំងទៅលើភ្លើងដោយអះអាងថារូបគាត់នឹងព្យាយាមបញ្ចុះបញ្ចូលកូនប្រុសឲ្យផ្ទេរទៅ Sporting Lisbon វិញ។

ប៉ុន្តែអ្នកស្រីមិនអាចបញ្ចុះបញ្ចូល Cristiano Ronaldo បានឡើយ បើទោះបីជាកំពូលខ្សែប្រយុទ្ធរូបនេះធ្លាប់និយាយថាគេចង់បញ្ចប់អាជីពជាកីឡាករបាល់ទាត់នៅ Sporting Lisbon ក៏ដោយ។

ថ្លែងទាក់ទងនឹងព័ត៌មានចចាមអារ៉ាមនេះ លោក Jorge Mendes បានប្រាប់ Record ថា៖

គួររម្លឹកផងដែរថា ខ្សែប្រយុទ្ធ Cristiano Ronaldo ធ្លាប់លេងឲ្យ Sporting Lisbon កាលពីឆ្នាំ២០០២ ដោយមុនដំបូងគេលេងឲ្យុឈុតយុវជនបន្ទាប់មកទើបបានលេងនៅឈុតធំប៉ុន្តែនៅឆ្នាំ២០០៣ គេក៏ចាកចេញនិងផ្ទេរមក Manchester United ៕

ប្រភព៖ goal

Join us📲 : https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប