កូរ៉េខាងត្បូង៖ តារាចម្រៀងស្រី Sandara Park អាយុ៣៦ឆ្នាំ ដែលធ្លាប់ជាអតីតសមាជិករបស់ក្រុមនារីដ៏ល្បីល្បាញ 2NE1 ដែលមហាជនតែងតែកោតសរសើរពីសម្រស់មិនចេះចាស់របស់នាងនោះ ឥលូវនេះ Sandara Park បានសម្រេចចិត្តចាកចេញពីផលិតកម្មរបស់នាងហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសេចក្តីរាយការណ៍របស់ផលិតកម្ម YG បានឲ្យដឹងមកថា Sandara បានសម្រេចចិត្តចាកចេញពីផលិតកម្ម YG ជាផ្លូវការហើយ បន្ទាប់ពីចំណាយពេលអស់រយៈពេល១៧ឆ្នាំ ជាសមាជិក 2NE1 ក៏ដូចជាផ្នែកមួយរបស់ YG ផងដែរ។
គួរបញ្ជាក់ផងដែរថា មូលហេតុដែល Sandara សម្រេចចិត្តចាកចេញពីផលិតកម្ម គឺដោយសារនាងមិនចង់បន្តកុងត្រាជាមួយខាងផលិតកម្មបន្តទៀត ហើយខាងផលិតកម្ម YG ក៏បានបង្ហាញនូវក្តីអំណរអរគុណដល់ Sandara Park រាល់ពេលវេលាដែលនាងបានរស់នៅក្រោមដំបូលផលិតកម្ម YG។ ទោះបីជាយ៉ាងណាក៏ដោយ ក៏ពួកយើងនូវតែគោរពនូវការសម្រេចចិត្តរបស់ Sandara Park ក្នុងរឿងមួយនេះដែរ៕