គ្រាប់ទី១ទះកោងស្អាតណាស់! Haaland និង Sancho ដាក់ម្នាក់២គ្រាប់ ជួយ Dortmund លើកពាន German Cup (មានវីដេអូ)

អាល្លឺម៉ង់៖ ក្រុម Borussia Dortmund បានគ្រងជើងឯកពានរង្វាន់ German Cup រដូវកាល ២០២០/២១ បន្ទាប់ពីយកឈ្នះក្រុម RB Leipzig នៅវគ្គផ្ដាច់ព្រ័ត្រ កាលពីរាត្រីថ្ងៃព្រហស្បតិ៍ ម្សិលមិញ ដោយលទ្ធផលក្រាស់ក្រែល ៤ទល់នឹង១ នាកីឡដ្ឋាន Olympiastadion។

៤គ្រាប់របស់​ Dortmund ធ្វើបានដោយខ្សែប្រយុទ្ធឆ្នើម២រូប ពោលម្ចាស់អាវលេខ៧ Jadon Sancho ទះបាល់កោងបញ្ចូលទី នៅនាទីទី៥ មួយគ្រាប់ និង ញាក់ស៊ុតនៅនាទីទី៤៥+១ មួយគ្រាប់ ខណៈ២គ្រាប់ទៀតសម្រេចទីដោយម្ចាស់អាវលេខ៩ Erling Braut Haaland នៅនាទីទី២៨ និង ៨៧។ ដោយឡែក១គ្រាប់តដៃតាមក្រោយរបស់ក្រុមគោជល់ Leipzig បំប៉ោងសំណាញ់ទីដោយខ្សែបម្រើស្លាប Daniel Olmo។

គួរបញ្ជាក់ដែរថា នេះជាលើកទី៥ហើយ ដែល Dortmund គ្រងបាន German Cup ដោយពេលកន្លងទៅធ្លាប់ឈ្នះនៅរដូវកាល ២០១៦/១៧, ២០១១/១២, ១៩៨៨/៨៩, ១៩៦៤/៦៥៕

បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោយ៖

  Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប