អង់គ្លេស៖ Manchester City បានក្លាយជាម្ចាស់ជើងឯក Premier League រដូវកាលនេះក្រោមការអបអរសាទរពីសំណាក់អ្នកគាំទ្រជាច្រើនដែលនេះជាពាន Premier League ទី៣ហើយសម្រាប់លោកគ្រូបង្វឹក Pep Guardiola ដែលដឹកនាំក្រុមរយៈពេល៤ឆ្នាំកន្លងមកនេះដោយរួមបញ្ចូលទាំងពានផ្សេងៗទៀតចំនួន៨ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ពិតណាស់ លោកគ្រូ Pep បានក្លាយជាគ្រូបង្វឹកដ៏ពូកែម្នាក់និងមានបទពិសោធន៍ជោគជាំ ព្រោះលោកគ្រូធ្លាប់បង្វឹកក្រុមធំៗឲ្យឈ្នះពានជាច្រើនដូចជា Barcelona និង Bayern Munich ជាដើមហើយមកទល់ពេលនេះ Man City បានឡើងមកដល់វគ្គផ្ដាច់ព្រ័ត្រ Champions League ជាលើកដំបូងបង្អស់ក្នុងប្រវត្តិសាស្ត្ររបស់ក្លិបទៀតផង។
ការខិតខំប្រឹងប្រែងរបស់ Man City រហូតលើកពាន Premier League នេះបានធ្វើឲ្យលោកគ្រូបង្វឹក Pep Guardiola មិនភ្លេចថ្លែងកោតសរសើរបុគ្គលម្នាក់ជាពិសេសគឺ លោកគ្រូបង្វឹក Jurgen Klopp នៃក្លិបហង្សក្រហម Liverpool ដោយលោកគ្រូនិយាយថា Klopp ជាបុគ្គលដែលធ្វើឲ្យលោកគ្រូខិតខំប្រឹងប្រែងកសាងខ្លួនឲ្យកាន់តែល្អឡើងៗ ដោយសារអ្នកទាំងពីរក៏ធ្លាប់ប្រជែងគ្នានៅ Bundesliga ផងដែរ។
Klopp ក៏បាននិយាយថា Pep ជាគ្រូបង្វឹកដ៏ល្អបំផុតសម្រាប់រូបគាត់ទើប Pep តបទៅវិញថា៖
ខ្ញុំពិតជាអរគុណណាស់ គាត់(Klopp) និងគ្រូបង្វឹកEverton គឺ Carlo Ancelotti គឺជាគ្រូបង្វឹកដែលខ្ញុំកោតសរសើរណាស់តែខ្ញុំមិនទាន់មានពេលឆ្លើយតបនឹងសារនោះទេ។ ពិតណាស់ Jurgen គឹជាអ្នកធ្វើឲ្យខ្ញុំក្លាយជាគ្រូបង្វឹកដែលល្អឡើងៗមួយរូប មិនថាពេលគេនៅដឹកនាំ Borussia Dortmund ឬ Liverpool នោះទេ។ គេធ្វើឲ្យខ្ញុំគិតច្រើនណាស់ពីក្បួនយុទ្ធសាស្ត្រក្នុងការប្រកួត និងអ្វីគ្រប់យ៉ាងដូច្នេះខ្ញុំពិតជាអរគុណណាស់។
ប្រភព៖ skysports
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T