ប្លែកទៀត​ហើយ! Jay Park ត្រៀមចេញបទចម្រៀងរួមគ្នា​ជាមួយ​តារាជើងចាស់​រូប​នេះ​

តាមសេចក្តីរាយការណ៍ថាលោក Jay Park នឹងចេញបទរួមគ្នាជាមួយ Wiz Khalifa នៅពេលឆាប់ៗខាងមុខនេះ។

យោងតាមរបាយការណ៍ផ្តាច់មុខពី Dailian បានឱ្យដឹងថា Jay Park និង Wiz Khalifa នឹងចេញបទចម្រៀងរួម​គ្នា​ដែលជាផ្នែកមួយនៃកម្មវិធី DreamX របស់ផលិតកម្ម 7SIX9 ។ បទចំរៀងនេះគ្រោងនឹងចេញផ្សាយនៅខែកក្កដា​។

កាលពីមុនសិល្បករចិន Silence Wang និងតារាចម្រៀងអូស្ត្រាលី Lenka បានចេញបទចម្រៀងរួមគ្នា​សម្រាប់​គម្រោង​ DreamX Project ត្រឡប់មកវិញនៅថ្ងៃទី ១៤ ខែកុម្ភៈនៅប្រទេសចិន។ បទចំរៀងរបស់ Jay Park និង Wiz Khalifa នឹងក្លាយជាបទចំរៀងដំបូងគេពីគំរោងដែលនឹងត្រូវចេញនៅប្រទេសកូរ៉េ៕