កូរ៉េខាងត្បូង៖ Jihyo ដែលជាសមាជិកម្នាក់របស់ក្រុមនារី Oh My girl ដែលមានសមាជិក៧នាក់នោះ នឹងត្រូវផ្អាករាល់សកម្មភាពសម្តែងនៅក្នុងក្រុម សម្រាប់ការវិលត្រឡប់ជាមួយបទថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍របស់ Mnet បានអោយដឹងថា មូលហេតុដែល Jiho ត្រូវផ្អាកសកម្មភាពសម្តែងជាមួយក្រុមនេះគឺដោយសារ នាងបានរអិលដួល ធ្លាក់ពីលើកាំជណ្តើរ ក្នុងកំឡុងពេលហាត់សមនៅលើឆាក M COUNTDOWN។ ឥលូវនេះនាងក៏ត្រូវទទួលបានការព្យាបាលរបួសរបស់នាងផងដែរ ដោយខាងគ្រូពេទ្យសុំអោយនាងផ្អាកការសម្តែងជាបណ្តោះអាសន្នសិន។
អ្វីដែលគួរកាន់តែអាណិតនាងនោះ គឺ Jihyo ត្រូវបានអ្នកគាំទ្រប្រទះឃើញយំផងដែរ ហើយសម្រាប់ក្រុមនារី Oh My girl នឹងសម្តែងតែសមាជិកទាំង៦នាក់ ដោយមិនមានវត្តមាន Jiho សម្រាប់ការត្រឡប់មកវិញជាមួយបទថ្មី "DUN DUN" ដែលចេញកាលពីថ្មីៗនេះ។
យ៉ាងណាក៏ដោយ ក៏សូមឱ្យរបួសនាងឆាប់ជា ដើម្បីត្រលប់មកវិញជាមួយក្រុមឡើងវិញ៕