អីយ៉ាស់! Real Madrid និង AC Milan នឹងឡើងសង្វៀនដណ្ដើមយកកីឡាករ Spurs រូបនេះ

អេស្ប៉ាញ៖ យោងតាមការរាយការណ៍ពី AS ក្លិបអធិរាជស Real Madrid កំពុងពិចារណាទិញយក ខ្សែការពារ Serge Aurier ដែលបច្ចុប្បន្នកំពុងលេងឲ្យក្លិប Tottenham Hotspur នេះបើយោងតាមការរាយការណ៍។

ប៉ុន្តែក្លិបម្ចាស់ពាន UCL ១៣សម័យនេះនឹងត្រូវប្រជែងគ្នាជាមួយ AC Milan ខណៈ Paris Saint-Germain ដែលជាក្លិបចាស់របស់ Aurier ក៏ចង់បានគេមកវិញដែរ។

Real Madrid មានគម្រោងយក Aurier មកជំនួសខ្សែការពាររបស់ក្លិបជាច្រើនដែលរងរបួសរួមមាន Dani Carvajal ដែលត្រូវគេរំពឹងទុកថានឹងបាត់មុខរហូតដល់ចប់រដូវកាលតែម្ដង ឯ Lucas Vazquez វិញគឺជិតផុតកុងត្រានៅខែក្រោយនេះហើយ។

Serge Aurier មានតម្លៃខ្លួនខ្ទង់ ១០លានផោន (ស្មើនឹងប្រមាណ ១៤.១លានដុល្លារ) ដែលសមល្មមអាចធ្វើឲ្យ Real មានលទ្ធភាពទិញយកគេបានខណៈ កីឡាករវ័យ២៤ឆ្នាំរូបនេះក៏មានបំណងចង់ចាកចេញពី Spurs ផងដែរ។

Aurier ក៏បានទាក់ទងជាមួយខ្សែការពារ Raphael Varane ជារឿយៗដោយសារពួកគេធ្លាប់លេងនៅក្លិប Lens ជាមួយគ្នាដូច្នេះគេអាចនឹងសម្រេចចិត្តផ្ទេរមកទឹកដី Santiago Bernabeu ក៏ថាបាន។ យ៉ាងណាមិញ Aurier ក៏អាចមានភាគរយផ្ទេរទៅ PSG វិញដែរព្រោះគេមានសម្ព័ន្ធភាពល្អជាមួយលោកគ្រូ Mauricio Pochettino ផងដែរ។

Serge Aurier ផ្ទេរពី PSG មក Spurs កាលពីឆ្នាំ២០១៧ ដោយបានបង្ហាញខ្លួនសរុប១១០ប្រកួតឲ្យក្លិប និងស៊ុតបញ្ចូលទីបាន៨គ្រាប់៕

ប្រភព៖ thesun

Join us📲 :  https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប