អង់គ្លេស៖ ក្លិបបិសាចក្រហម Man United កំពុងត្រៀមសម្រាប់ការផ្លាស់ប្តូរកីឡាករខ្សែការពារម្នាក់របស់ក្រុម Atalanta គឺ កីឡាករ Cristian Romero នៅពេលដែលទីផ្សារដោះដូរកីឡាករដែលបើកនារដូវក្តៅខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែការពារកណ្តាលសញ្ជាតិអាហ្សង់ទីនរូបនេះមានរដូវកាលដ៏អស្ចារ្យមួយក្នុងការខ្ចីជើងពី Atalanta ពីក្លិប Juventus ហើយឥឡូវនេះបានក្លាយជាបញ្ជីឈ្មោះបុរសដែលត្រូវបានជ្រើសរើសសម្រាប់ក្រុមបិសាចក្រហម។ យោងតាមទូរទស្សន៍ Sky Sports បានអោយដឹងថា Manchester United បានចុះហត្ថលេខាលើខ្សែការពារកណ្តាលថ្មីមួយហើយអាទិភាពរបស់ Romero គឺសមស្របទៅនឹងអាយុនិងសមត្ថភាពរបស់គាត់។ របាយការណ៍បន្តអះអាងថាខ្សែការពារ Sven Botman របស់ Lille និងខ្សែការពាររបស់ Sevilla Jules Kounde ក៏ស្ថិតនៅក្នុងបញ្ជីរាយឈ្មោះរបស់ Manchester United ដែរប៉ុន្តែវាគឺជា Romero ដែលជាគោលដៅចម្បងរបស់ពួកគេ។
ទូរទស្សន៍ Sky Sports បានចុះផ្សាយថា Atalanta នឹងបើកចំហក្នុងការលក់ Romero ដែលមានតម្លៃ ៣៤ លានផោនប្រសិនបើក្លឹបណាបង្ហាញចំណាប់អារម្មណ៍ទៅលើកីឡាកររូបនេះ។
បិសាចក្រហមអាចជាក្លឹបមួយក្នុងចំណោមក្លឹបទាំងនោះក្នុងការធ្វើដូច្នេះដោយលោក Ole Gunnar Solskjaer ឥឡូវនេះកំពុងផ្តោតការយកចិត្តទុកដាក់ក្នុងការពង្រឹងផ្នែកការពារនិងខ្សែបម្រើរបស់ខ្លួនបន្ទាប់ពីលោក Edinson Cavani បានបន្តកុងត្រារបស់គាត់នៅមួយឆ្នាំទៀតនៅដើមសប្តាហ៍នេះ៕