ពុទ្រាមានអត្ថប្រយោជន៍ច្រើន គ្នាយើងមិនគួររំលង!

//s9.kh1.co/03/037c1b9f3baee2f3b85f7d752bc52263c6471390.jpg

យល់ដឹង

១៣-ឧសភា-២០២១ ២ល្ងាច · ៣ ឆ្នាំមុន

ពុទ្រាមិនត្រឹមតែមានរសជាតិឆ្ងាញ់ប៉ុណ្ណោះទេ ប៉ុន្តែវាក៏មានគុណប្រយោជន៍ដល់សុខភាពជាច្រើនផងដែរ។

ពុទ្រាមិនត្រឹមតែមានរសជាតិឆ្ងាញ់ប៉ុណ្ណោះទេ ប៉ុន្តែវាក៏មានគុណប្រយោជន៍ដល់សុខភាពជាច្រើនផងដែរ។ ជាទូទៅ នៅពេលដែលផ្លែឈើមួយប្រភេទនេះក្រៀមល្អ យើងអាចញ៉ាំវាជាលក្ខណៈដូចស្ករគ្រាប់ និងបង្អែមបាន។ ប្រសិនបើយើងប្រើប្រាស់វានៅក្នុងលក្ខខណ្ឌវេជ្ជសាស្ត្រវិញ ផ្លែពុទ្រាអាចជំរុញការគេងលក់ស្រួល និងកាត់បន្ថយអាការៈថប់បារម្ភបានយ៉ាងមានប្រសិទ្ធភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សារធាតុចិញ្ចឹមនៅក្នុងផ្លែពុទ្រា

ផ្លែពុទ្រាមានកាឡូរីទាប ប៉ុន្តែវាសំបូរទៅដោយជាតិសរសៃ វីតាមីន និងរ៉ែ។ ផ្លែពុទ្រាចំនួន១០០ក្រាម ឬប្រហែល៣ផ្លែ ផ្ដល់នូវ៖

កាឡូរី៧៩
ប្រូតេអ៊ីន ១ក្រាម
កាបូអ៊ីដ្រាត ២០ក្រាម
ជាតិសរសៃ ១០ក្រាម
វីតាមីនC ៧៧%នៃតម្លៃប្រចាំថ្ងៃ
ប៉ូតាស្យូម ៥%នៃតម្លៃប្រចាំថ្ងៃ

អត្ថប្រយោជន៍នៃផ្លែពុទ្រា

ផ្លែពុទ្រាមានអត្ថប្រយោជន៍ជាច្រើនដល់សុខភាពដូចខាងក្រោម៖

១. សំបូរទៅដោយសារធាតុប្រឆាំងអុកស៊ីតកម្ម

ផ្លែពុទ្រាសំបូរទៅដោយសារធាតុប្រឆាំងនឹងអុកស៊ីតកម្មជាច្រើន ព្រមទាំងវីតាមីនC ដែលអាចការពាររាងកាយពីការបំផ្លាញដោយរ៉ាឌីកាល់សេរី។ ពិតណាស់ រ៉ាឌីកាល់សេរីចូលរួមចំណែកដ៏សំខាន់ក្នុងការបង្កជាបញ្ហាសុខភាពរ៉ាំរ៉ៃមួយចំនួន ដូចជាទឹកនោមផ្អែមប្រភេទ២ ជំងឺបេះដូង និងមហារីក។

២. បង្កើនប្រសិទ្ធភាពក្នុងការគេង និងមុខងារខួរក្បាល

ជាមួយគ្នានេះដែរ ពុទ្រាត្រូវបានប្រើប្រាស់ជាឱសថសម្រាប់ជំនួយដល់គុណភាពការគេង និងមុខងារខួរក្បាល។ បន្ថែមពីនេះ វាក៏ជួយកាត់បន្ថយអាការៈថប់បារម្ភ បង្កើនការចងចាំ និងជួយការពារកោសិកាខួរក្បាលពីការបំផ្លាញដោយសមាសធាតុបំផ្លាញសរសៃប្រសាទបានយ៉ាងអស្ចារ្យ។

៣. ពង្រឹងប្រព័ន្ធភាពស៊ាំ និងប្រឆាំងកោសិកាមហារីក

សារធាតុPolysaccharides ដែលជាជាតិស្ករធម្មជាតិរួមជាមួយនឹងសារធាតុប្រឆាំងអុកស៊ីតកម្ម អាចទប់ស្កាត់រ៉ាឌីកាល់សេរី បន្សាបកោសិកាគ្រោះថ្នាក់ និងកាត់បន្ថយការរលាក។ ជាក់ស្ដែង នៅពេលដែលកម្រិតនៃការរលាក និងរ៉ាឌីកាល់សេរីថយចុះ រាងកាយរបស់យើងក៏ត្រូវបានការពារពីជំងឺរ៉ាំរ៉ៃដូចជាជំងឺទឹកនោមផ្អែមប្រភេទ២។ រីឯសារធាតុlignins ដែលជាប្រភេទជាតិសរសៃជាមួយនឹងសារធាតុប្រឆាំងអុកស៊ីតកម្ម ជួយជំរុញការផលិតកោសិកាភាពស៊ាំ និងបង្កើនអត្រាបន្សាបសមាសធាតុបង្កគ្រោះថ្នាក់។ ទន្ទឹមនឹងនេះដែរ ផ្លែពុទ្រាក៏សំបូរទៅដោយវីតាមីនC ដែលមានឥទ្ធិពលក្នុងការប្រឆាំងនឹងជំងឺមហារីក។

៤. ធ្វើឲ្យការរំលាយអាហារប្រសើរឡើង

លើសពីនេះ ជាតិសរសៃដែលមាននៅក្នុងផ្លែពុទ្រា អាចជួយជំរុញការរំលាយអាហារឲ្យកាន់តែប្រសើរឡើង។ វាជួយពង្រឹងស្រទាប់នៃក្រពះ និងពោះវៀន កាត់បន្ថយហានិភ័យនៃការបំផ្លាញដោយដំបៅ របួស និងបាក់តេរីបង្កគ្រោះថ្នាក់ ដែលអាចមាននៅក្នុងពោះវៀនរបស់យើង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet