អេស្ប៉ាញ៖ ខ្សែប្រយុទ្ធសញ្ជាតិអាហ្សង់ទីនរូបនេះ ត្រូវបានបញ្ជាក់ថានឹងចាកចេញពីពហុកីឡាដ្ឋាន Etihad កាលពីខែមីនាដោយមានមន្ត្រីកំពូលៗ នៅឯក្លឹបរួមជាមួយលោក Pep Guardiola សម្រេចចិត្តមិនបន្តកុងត្រាថ្មីរបស់គាត់លើសពីចុងបញ្ចប់នៃរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឥឡូវនេះក្រុម Manchester City ពិតជាមានភារកិច្ចដ៏ធំធេងមួយនៅក្នុងដៃរបស់ពួកគេ៖ តើពួកគេត្រូវធ្វើយ៉ាងម៉េចដើម្បីជំនួសតំណែងអ្នករកគ្រាប់បាល់ដ៏អស្ចារ្យបំផុតមិនធ្លាប់មានរបស់ពួកគេហើយតើពួកគេសុខចិត្តចំណាយប៉ុន្មានសម្រាប់ខ្សែប្រយុទ្ធដែលត្រឹមត្រូវសម្រាប់ការងារនេះ?
យោងតាម Paul Hirst of the Times នៅយប់ថ្ងៃពុធលោក Pep Guardiola និង Manchester City មានឈ្មោះកីឡាករចំនួនបួននាក់នៅក្នុងបញ្ជីខ្សែប្រយុទ្ធរបស់ពួកគេដើម្បីជំនួសកីឡាករ Sergio Aguero នៅក្នុងទីផ្សារដោះដូរកីឡាករ នារដូវក្តៅខាងមុខនេះ ដែលអ្នកខ្លះមានតម្លៃថ្លៃជាងរូបគេទៅទៀត។
កីឡាករដែលគួរអោយកត់សំគាល់ ស្ថិតនៅកំពូលនៃបញ្ជីគឺ Erling Haaland របស់ Borussia Dortmund និង Harry Kane របស់ Tottenham ។ ពួកគេទាំងពីរនាក់មានថ្លៃផ្ទេរលើសពី ១៥០ លានផោន។
មានកីឡាករ ២នាក់ទៀតគឺ Lautaro Martinez និង Andre Silva ក៏ស្ថិតក្នុងបញ្ជីសម្រាំងផ្ទេររបស់ក្រុម Manchester City ផងដែរ ក្នុងករណីដែលពួកគេខកខានគោលដៅសំខាន់របស់ពួកគេ ឬទៅវិនិយោគកាន់តែច្រើនលើផ្នែកផ្សេងទៀត៕