អង់គ្លេស៖ ប្រធានក្រុមបិសាចក្រហម Manchester United គឺខ្សែការពារ Harry Maguire អាចនឹងអវត្តមាននៅក្នុងពានរង្វាន់បាល់ទាត់ទ្វីបអឺរ៉ុប Euro 2020 និងពាន វគ្គផ្ដាច់ព្រ័ត្រ Europa League ទល់នឹង Villarreal បន្ទាប់ពីរងរបួសនៅក្នុងការប្រកួតទល់នឹង Aston Villa ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប៉ុន្តែលោកគ្រូបង្វឹក Ole Gunnar Solskjaer សង្ឃឹមថាគេអាចនឹងវិលត្រឡប់មកវិញឆាប់ៗ ហើយបើសិនជាគេគ្មានមុខក្នុងការប្រកួតវគ្គផ្ដាច់ព្រ័ត្រ Europa League ទេប្រហែលជា Maguire អាចប្រឈមនឹងការអវត្តមាននៅEuro ដែរ។
លោកគ្រូបានបង្ហើបទាក់ទងនឹងស្ថានភាពរបស់ Maguire ថា៖
ដំណឹងល្អគឺឆ្អឹងត្រង់គន្លាក់ជង្គង់នោះមិនបាក់ទេ ហើយក៏មិនឃើញមានស្នាមប្រេះដែរ ប៉ុន្តែការរបួសត្រង់ជង្គង់នេះពិតជាមើលទៅធ្ងន់ធ្ងរ។ បើសិនខ្ញុំមើលក្នុងផ្លូវល្អ គេអាចនឹងមិនកើតអីខ្លាំង។ ខ្ញុំគិតថាគេប្រហែលមិនអាចចូលលេងប្រកួតក្នុងលីគដែលនៅសល់បានឡើយ ប៉ុន្តែពួកយើងនឹងធ្វើគ្រប់យ៉ាង ដើម្បីឲ្យគេបានចូលលេងការប្រកួតចុងក្រោយ(Europa League)នេះ។ បើសិនគេជាសះស្បើយគឺគេនឹងបានលេង តែបើមិនគឺគេមិនបានចូលលេងទេ។ បើសិនគេអាចបង្ហាញមុខក្នុង Europa League នោះនៅ Euro ក៏គេអាចចូលលេងបានដែរ។
នេះអាចជាដំណឹងដ៏ឈឺក្បាលមួយដល់លោកគ្រូបង្វឹក Gareth Southgate នៃក្រុមជម្រើសជាតិអង់គ្លេសព្រោះ Maguire ចាត់ទុកជាខ្សែការពារបង្គោលនៅក្នុងក្រុម។
Harry Maguire បានចូលលេងយ៉ាងទៀងទាត់គឺសឹងតែគ្រប់នាទីក្នុងការប្រកួតក្របខណ្ឌ Premier League តាំងពីផ្ទេរពី Leicester City មក Manchester United កាលឆ្នាំ២០១៩៕
ប្រភព៖ thesun
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T