ភ្នាក់ងារ ចេញមុខបញ្ជាក់ថាកីឡាករ Real Madrid រូបនេះអាចនឹងចាកចេញពីក្លិប

អង់គ្លេស៖ លោក Jonathan Barnett ដែលជាភ្នាក់ងាររបស់ ខ្សែប្រយុទ្ធ Gareth Bale បានបង្ហើបឲ្យដឹងថា Bale អាចនឹងមានភាគរយចាកចេញពីទឹកដី Santiago Bernebeu នៅរដូវកាលក្រោយនេះហើយលោកក៏បាននិយាយលេងសើចទៀតថា Bale នឹងអង្គុយកៅអីបម្រុងគឺទាល់តែ Real Madrid ផ្ដល់ប្រាក់ឈ្នួលខ្ពស់។

កីឡាករសញ្ជាតិវែលល៍រូបនេះបានផ្ទេរមកលេងខ្ចីជើងនៅក្លិបខ្នាយមាន់មាស Tottenham Hotspur កាលពីរដូវក្ដៅមុន បន្ទាប់ពីលោកគ្រូបង្វឹក Zinedine Zidane បង្ហាញចេញយ៉ាងច្បាស់ថានឹងមិនដាក់ឲ្យគេចូលលេងញឹកញាប់នោះឡើយ។

មុនដំបូង Bale ហាក់ដូចជាមិនសូវកាក់កបនៅទឹកដីឡុងដ៍ ប៉ុន្តែក្រោយពេល Spurs បញ្ចប់តំណែងលោកគ្រូបង្វឹក Jose Mourinho គេក៏ហាក់ឡើងជើងជាងមុនទើប Spurs កំពុងចាត់ចែងស្នើសុំបន្តការខ្ចីជើងគេទៀត។

លោក Barnett បាននិយាយថា Bale មិនទាន់បានសម្រេចចិត្តពីអនាគតរបស់គេនៅឡើយទេ ប៉ុន្តែលោកបានបញ្ជាក់ថា កីឡាករវ័យ៣១ឆ្នាំរូបនេះនឹងធ្វើការពិភាក្សាជាមួយ Spurs និង Real Madrid បើសិនដល់ពេលវេលាសមរម្យមួយ។

លោកបានថ្លែងប្រាប់ SNTV ថា៖

ពេលអ្នកកាសែតសួរថាតើ Gareth Bale នឹងត្រឡប់ទៅ Real Madrid វិញទេពេលចប់រដូវកាល លោកបានឆ្លើយថា៖

គួរបញ្ជាក់ផងដែរថា នៅរដូវកាលនេះ Gareth Bale បង្ហាញមុខឲ្យ Spurs បាន២៨ប្រកួត ដោយក្នុងនោះជាប់ជម្រើស១១នាក់ដំបូងតែ៦ប្រកួតគត់៕

ប្រភព៖ goal

Join us📲 : https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប