អង់គ្លេស៖ ក្លិប Manchester City បានក្លាយជាម្ចាស់ជ័យលាភី ពាន Premier League ជាផ្លូវការ បន្ទាប់ពី Manchester United បានប្រកួតចាញ់ Leicester City កាលពីយប់ថ្ងៃទី១២ខែ ឧសភា កន្លងទៅនេះ ដែលនេះជាពានទី៥ហើយក្នុងរយៈពេលមួយទស្សរត្សរ៍ចុងក្រោយនេះធ្វើឲ្យអ្នកគាំទ្រនាំគ្នាមកអបអរសាទរយ៉ាងគគ្រឹកគគ្រេងនៅមុខកីឡដ្ឋាន Etihad ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកគ្រូបង្វឹក Pep Guardiola បានដឹកនាំក្រុមមួយនេះឲ្យលើកពាន Premier League ទី៣ក្នុងរយៈពេលដឹកនាំតែ៤ឆ្នាំផងដែរដោយកាលពីរដូវកាលមុន Man City បានរបូតពានទៅឲ្យក្រុមហង្សក្រហម Liverpool របស់លោកគ្រូបង្វឹក Jurgen Klopp។
ក្រៅពីនោះដែរ ភាគីរបស់លោកគ្រូបង្វឹក Pep Guardiola ក៏បានឡើងមកកាន់វគ្គផ្ដាច់ព្រ័ត្រពាន Champions League ជាលើកដំបូងបង្អស់ក្នុងប្រវត្តិសាស្ត្រ បន្ទាប់ពីទម្លាក់ Paris Saint-Germain ដោយជោគជ័យ។
គួរបញ្ជាក់ផងដែរថា នេះជាពានទី៩ហើយដែលលោកគ្រូ Pep ឈ្នះក្នុងនាមជាគ្រូបង្វឹក ដោយកាលពីមុនលោកគ្រូធ្លាប់ឈ្នះពាន ៣ ជាមួយ Barcelona, ៣ ជាមួយ Bayern Munich និង ៣ ទៀតជាមួយ Man City ។
ដើម្បីជាការអបអរ ក្លិប Manchester City បានដាក់តាំងបដាធំមួយ នៅ Colin Bell Stand ស្ថិតក្នុងកីឡដ្ឋាន Etihad ដោយប្រកាសជាផ្លូវការថា ក្លិបបានក្លាយជាម្ចាស់ពាន Premier League ជាផ្លូវការហើយ ដែលក្នុងនោះមានអ្នកគាំទ្រជាង១០០នាក់ប្រមូលផ្ដុំគ្នាមុខកីឡដ្ឋាន និងបើកដបស្រាសាំប៉ាញព្រមទាំងផ្លុំត្រែ ដើម្បីអបអរសមិទ្ធផលដ៏ត្រចះត្រចង់នេះ។
គួរបញ្ជាក់ផងដែរថា កីឡាករ Manchester City ឆ្នើមៗដែលរួមចំណែកធំក្នុងការធ្វើឲ្យក្លិបឈ្នះពាននេះគឺមានដូចជា ខ្សែបម្រើ Kevin De Bruyne, Ilkay Gundogan ,Phil Foden, Ruben Dias និង John Stones ជាដើមខណៈ Man City របូតគ្រាប់បាល់តែ១៩គ្រាប់ប៉ុណ្ណោះ និងថែមទាំងបានបំបែកកំណត់ត្រា ក្លាយជាក្លិបដែលឈ្នះ ២១ ប្រកួតជាប់ៗគ្នានៅ Premier League ក្នុងរយៈពេលសរុប៨២ថ្ងៃគឺចាប់ពីខែ ធ្នូ ដល់ខែ មីនា ផងដែរ ៕
ប្រភព៖ thesun
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប