Bruno​ Fernandes សាទរចំពោះ Lingard ដែលក្លាយជាកីឡាករឆ្នើមនៅ Premier League

អង់គ្លេស៖ កីឡាករខ្សែបម្រើប្រយុទ្ធរបស់ក្រុមបិសាចក្រហម Manchester United គឺ កីឡាករ Bruno Fernandes បានធ្វើការសាទរចំពោះកីឡាករខ្សែប្រយុទ្ធសញ្ជាតិអង់គ្លេស Jesse Lingard ដែលបានក្លាយជាកីឡាករឆ្នើមនៅ Premier League  ។

ខ្សែបម្រើប្រយុទ្ធរបស់ Man Utd  រូបនេះបាននិយាយថាអ្នករាល់គ្នានៅ Old Trafford ពិតជារីករាយខ្លាំងណាស់សម្រាប់កីឡាកររូបនេះបន្ទាប់ពីបានឃើញរូបគេមានទម្រង់លេងល្អបំផុតនៅក្រុមញញួរយក្ស West Ham ។​ មិនតែប៉ុណ្ណោះកីឡាករ Bruno Fernandes បានអះអាងថា​​ Jesse Lingard ដែលក្លិប Westham ខ្ចីជើងពីក្រុម Manchester United គឺជាកីឡាករល្អបំផុតនៅ Premier League នាពេលបច្ចុប្បន្ននេះ។

គួរបញ្ជាក់ផងដែរថា កីឡាករ Jesse Lingard ត្រូវបានក្លិប Manchester United ដាក់ឧ្យក្លិបញញួរយក្ស West Ham ខ្ចីជើងកាលពីខែមករាបន្ទាប់ពីមិនសូវបានចូលលេងនៅឯក្រុមបិសាចក្រហម តែចាប់តាំងពីការមកដល់ក្លិប Westham​ រូបគេហាក់មានការផ្លាស់ប្តូរយ៉ាងខ្លាំងហើយមានទម្រង់លេងល្អបំផុតរបស់គាត់ក្រោមការដឹកនាំរបស់លោក David Moyes នៅឯពហុកីឡដ្ឋាន London ៕